SA Víkingar taka á móti Birninum í Hertz-deild karla á morgun, laugardag, kl 16.30 í Skautahöllinni á Akureyri. SA Víkingar geta með sigri í venjulegum leiktíma tryggt sér deildarmeistaratitlinn og þar með heimaleikjaréttinn í úrslitakeppninni. Aðgangseyrir er 1000 kr. frítt inn fyrir 16 ára og yngri.

Ynjur og Ásynjur áttust við í gærkvöldi, fimmtudagskvöld, í því sem varð útslitaleikur um deildarmeistaratitilinn í meistaraflokki kvenna. Fyrir leikinn höfðu Ynjur 32 stig og Ásynjur 30 þannig að með sigri gátu Ynjur landað deildarmeistaratitlinum. Þær komu ákveðnar til leiks og ætluðu greinilega að klára þetta í þessum leik. Hilma skoraði fyrir Ynjur þegar um 4 og hálf mínúta voru liðnar af leiknum, laglegt mark með stoðsendingu frá Önnu Karen. Þegar rúmar 7 mínútur voru svo eftir af lotunni átti Silvía svo skot sem Guðrún Katrín varði í marki Ásynja en Silvía náði frákastinu og laumaði pekkinum snyrtilega í markið. Staðan eftir fyrstu lotu 2-0.

Ynjur og Ásynjur eigast við í háspennuleik nú í kvöld í Hertz-deild kvenna og mun líklegast skera úr um hvort liðið hampar deildarmeistaratitlinum. Leikurinn hefst kl 19.45 og það er frítt inn. Ynjur eru í efsta sæti deildarinnar með 32 stig, tveimur stigum meira en Ásynjur en þetta er síðasti leikur liðann fyrir úrslitakeppnina sem hefst næskomandi þriðjudag.

Ásynjur lögðu land undir fót í gær, laugardag, og sóttu sameinað lið SR og Bjarnarins heim. Fyrirfram mátti gera ráð fyrir sigri Ásynja en Reykjavíkurstúlkur hafa þó verið að sækja í sig veðrið og þær komu grimmar til leiks og ætluðu sér greinilega sigur. Þær eru komnar í nýjar, flottar treyjur og liðið virðist greinilega vera komið til að vera.

Mótiđ hefst 5. mars.

SA Víkingar unnu gríðarlega sterkan sigur á Esju í gærkvöld í toppslag Hertz-deildarinnar. SA Víkingar sigruðu með 5 mörkum gegn 1 og náðu þar með eins stigs forystu á Esju í deildarkeppninn en hafa þá líka spilað tveimur leikjum minna en Esja.

SA Víkingar taka á móti Esju á heimavelli í Hertz-deildinni í kvöld, þriðjudagskvöld, kl 19.30. Nú er ljóst að þessi lið mætast í úrslitakeppninni í ár en næstu leikir munu ráða því hvort liðið fær heimaleikjaréttinn. Esja er nú með 44 stig og eiga eftir að leika 3 leiki í deildinni en SA Víkingar eru með 42 stig og eiga 5 leiki eftir. Liðin hafa mæst 6 sinnum í vetur og þar af hafa 4 leikir farið í framlengingu. Fyllum stúkuna í kvöld, miðaverð 1000 kr frítt inn fyrir 16 ára og yngri.

Ynjur lögðu land undir fót í gærkvöldi, föstudagskvöld, þegar þær sóttu stöllur sínar í Reykjavík, sameinuðu liði SR og Bjarnarins, heim. Fyrir leikinn voru Ynjur í öðru sæti í deildinni með 26 stig en Ásynjur efstar með 28 og höfðu spilað einum fleira en Ynjur og Reykjavík. Fyrirfram mátti búast við sigri Ynja enda er Reykjavíkurliðið án stiga. Það gekk eftir og Ynjur eru nú á toppi deildarinnar með einu stigi meira en Ásynjur.

Kvennalið SA áttust við í gærkvöldi, þriðjudagskvöld, í sjöunda skipti í vetur. Fyrir leikinn höfðu Ásynjur fimm stiga forskot á toppi deildarinnar með 28 stig en Ynjur með 23. Ynjur náðu að minnka forskotið í 2 stig og eiga leik til góða.

Það er stórleikur í Hertz-deild kvenna í kvöld þegar Ásynjur mæta Ynjum en leikurinn hefst kl 19.30. Ásynjur hafa 5 stiga forskot á Ynjur og þurfa Ynjur því nauðsynlega á sigri að halda til þess að eiga möguleika á deildarmeistaratitlinum. Leikir þessara liða hafa verið æsispennandi í vetur svo það má búst við jöfnum og skemmtilegum leik í kvöl. Mætum í stúkuna og styðjum okkar lið, frítt inn.