Föstudaginn 8. mars - á alþjóðlegum baráttudegi kvenna - fer fram úrslitaleikur Íslandsmótsins í íshokkí kvenna. Leikurinn fer fram í Skautahöllinni á Akureyri og hefst kl. 20.00 – ef veður og færð leyfa. Vakin er athygli á að skautadiskó fellur niður að þessu sinni vegna leiksins.

Um liðna helgi fór fram innanfélagsmót í 3., 4. og 5. flokki í íshokkí í Skautahöllinni á Akureyri.

Lokaumferðir deildarkeppninnar eiga að fara fram mánudagana 11. og 18. mars. Ekki verður ljóst fyrr en deildarkeppninni lýkur hvort þá verður hægt að fara beint í úrslitakeppni fjögurra liða eða hvort leika þarf aukaleik(i) um það hvaða lið fara í úrslit.

Leik Jötna og Fálka í deildarkeppni meistaraflokks karla á Íslandsmótinu í íshokki sem vera átti í kvöld, þriðjudaginn 5. mars, hefur verið frestað vegna veður- og færðarútlits.

Ynjur sigruðu SR með 19 mörkum gegn engu í Skautahöllinni í Laugardal á laugardag. Fjórir leikmenn liðsins skoruðu sitt fyrsta meistaraflokksmark í leiknum.

Í kvöld, mánudagskvöldið 4. mars, verður leikinn frestaður leikur úr 3. umferð Íslandsmótsins í krullu. Fífurnar og Ice Hunt mætast.

Víkingar enduðu deildarkeppnina í meistaraflokki karla á Íslandsmótinu í íshokkí með viðeigandi hætti, skoruðu í markvarðarlaust mark Bjarnarins þegar hálf mínúta var eftir af leiknum. Lokatölur: Björninn - Víkingar 3-4.

Víkingar og Ynjur halda suður yfir heiðar í dag til að mæta Reykjavíkurliðunum. Víkingar leika hreinan úrslitaleik gegn Birninum í Egilshöllinni um deildarmeistaratitilinn og oddaleiksréttinn í úrslitakeppninni. Ynjur leika gegn SR í Laugardalnum.

Jötnar sigruðu Húna á Íslandsmótinu í íshokkí í gærkvöldi í leik sem skipti engu máli upp á röð liðanna í deildinni.

Hirðljósmyndarinn og heiðursfélaginn Ásgrímur Ágústsson studdi fingri á takka um helgina og tók nokkrar myndir á Vetrarmóti ÍSS í listhlaupi.