Viðgerð á dælumótor Zamboni-hefilsins er ekki lokið. Ljóst er að hann mun ekki komast í lag í dag, miðvikudag.

Kvennalandsliðið í íshokkí vann fyrsta leik sinn á HM 2. deild B sem fram fór í gær. Mæta Slóvenum í kvöld. Sigmundur Davíð Gunnlaugsson forsætisráðherra mætti á leikinn og varð "Gunnlaugsdóttir" um stund.

Enn er unnið að viðgerð á dælumótor í Zamboni-ísheflinum. Staðfest er að Zamboni verður ekki klár í slaginn í dag, þriðjudag, og því falla allar æfingar á ís niður í dag. Óvíst er með miðvikudaginn.

Bilun varð í Zamboni-ísheflinum fyrr í kvöld. Viðgerð stendur yfir. Óvíst er hve langan tíma tekur að koma heflinum aftur í gagnið. Líklegt er að bilunin muni hafa áhrif á æfingar í íshokkí á morgun (þriðjudag). Nýjar upplýsingar verða settar hér inn um leið og málin skýrast.

Kvennalandsliðið í íshokkí verður á svellinu í Skautahöllinni í Laugardal þessa vikuna þar sem liðið spilar í 2. deild B í Heimsmeistaramótinu. Fyrsti leikurinn er í kvöld. Tvær af hverjum þremur í liðinu eru í SA og þrjár að auki fyrrum leikmenn SA.

Meistaraflokkur karla í íshokkí hjá Skautafélaginu bryddar upp á skemmtilegri nýjung og nú býðst hópum og fyrirtækjum að spila alvöru íshokkíleik með dómurum, þjálfurum og öllu tilheyrandi.

Vegna óveðurs og ófærðar hefur Frostmóti listhlaupadeildar SA verið frestað og tilfærslur verða á æfingum U-18 hokkílandsliðsins. Æfingar verða skv. æfingatöflu deildanna á laugardagsmorguninn, en smávægilegar breytingar á sunnudag.

Vegna verðurútlits og færðar hefur mótsstjóri Listhlaupadeildar frestað Frostmótinu sem vera átti núna um helgina. Mótið verður haldið helgina 5. og 6. apríl.

Íslandsmeistarar! SA Víkingar lögðu Björninn, 5-3, í þriðja leik liðanna á Íslandsmóti karla í íshokkí og lönduðu Íslandsmeistaratitlinum með sannkölluðum glæsibrag, unnu einvígið 3-0.

Þriðji leikur í úrslitakeppni Íslandsmóts karla í íshokkí fer fram í kvöld og hefst kl. 19.30. Víkingar leiða einvígið, 2-0, en þrjá sigra þarf til að hampa titlinum.