SA Víkingar sigruðu Fjölni 3-1 í öðrum leik úrslitakeppninnar í íshokkí í Egilshöll í gærkvöld og leiða einvígið um Íslandsmeistaratitilinn 2-0. SA Liðin mætast í þriðja sinn á morgun á heimavelli í Skautahöllinni á Akureyri og geta Víkingar tryggt sér Íslandsmeistaratitilinn 2021 með sigri.

SA Víkingar unnu mikinn karakter sigur á Fjölni í fyrsta leik úrslitakeppni karla á laugardag. Sigurmarkið skoraði Andri Skúlason þegar aðeins 24 sekúndur voru eftir af leiknum.

SA stúlkur tryggðu sér Íslandsmeistaratitilinn í íshokkí í gærkvöld þegar þær lögðu Fjölni í oddaleik úrslitakeppninnar - lokatölur 5-0. Leikurinn var æsispennandi og þrátt fyrir lokatölur benda til annars þá áttu bæði lið frábæran leik og fer í sögubærnar sem einn af mest spennandi úrslitaleikjum í sögu kvennaíshokkís á Íslandi.

Á laugardag verður sannkallaður júmbó hokkídagur í Skautahöllinni á Akureyri þar sem leikinn verður úrslitakeppna tvíhöfði. SA Víkingar hefja sína úrslitakeppni kl. 16:00 þegar Fjölnir kemur í heimsókn og síðar sama dag eða kl. 20:30 verður spilaður oddaleikur í úrslitakeppni kvenna þar sem SA tekur á móti Fjölni og Íslandsmeistarabikarinn fer á loft.

SA vann stórsigur á Fjölni í fyrsa leik úrslitakeppninnar í Hertz-deild kvenna en lokatölur urðu 13-1. SA getur tryggt sér titilinn á fimmtudag þegar liðið sækir Fjölni heim í Grafarvoginn.

Úrslitakeppnin í Hertz-deild kvenna hefst núna á þriðjudag þegar SA stúlkur taka þá á móti Fjölni í Skautahöllinni á Akureyri í fyrsta leik úrslitakeppninnar. Leikurinn hefst leikurinn kl. 19.30 en liðið sem fyrr vinnur 2 leiki verður Íslandsmeistari. Annar leikur liðanna verður spilaður í Reykjavík fimmtudaginn 22. apríl og sá þriðji ef til kemur á Akureyri á laugardaginn 24. apríl.

SA Víkingar tryggðu sér Deildarmeistaratitilinn í Hertz-deild karla í gærkvöld þegar þeir lögðu SR 8-3. SA Víkingar hafa unnið 8 af 9 leikjum sínum í deildinni og eru með 24 stig en Fjölnir er með 13 stig í öðru sæti og SR með 2 stig. SA Víkingar spila við SR öðru sinni í kvöld en lítið eru undir hjá Víkingum á meðan SR þurfa að hafa sig allan við til að eygja möguleika á sæti í úrslitakeppninni.

SA Víkingar taka um helgina á móti SR í tvíhöfða í Hertz-deild karla. Fyrri leikurinn er á föstudag kl. 19:30 og sá síðar á laugardag kl. 17:45 báðir í Skautahöllinni Akureyri. SA Víkingar sem hafa verið á mikilli siglingu og unnið 7 af 8 leikjum sínum í deildinni geta með sigri tryggt sér deildarmeistaratitilinn strax á föstudag.

Um helgina lauk Bikarmótaröð ÍSS og hreppti Skautafélag Akureyrar Bikarmeistaratitil ÍSS með 103 stig. Stúlkurnar okkar stóðu sig frábærlega og unnu gullverðlaun í Advanced Novice, Junior og Senior.

SA Víkingar unnu Fjölni í kvöld 5-0 í Hertz-deild karla. Leikurinn var vel spilaður af báðum liðum og mikil skemmtun en uppselt var á leikinn í kvöld.