SA stúlkur lögðu Fjölni tvívegis um helgina í Hertz-deild kvenna, 9-0 á laugardag og svo 17-0 á sunnudag. SA er því komið með yfirburða stöðu í deildarkeppninni með 15 stig eftir 5 leiki spilaða en Fjölnir er í öðru sæti með 3 stig en eiga einn leik til góða.

Tveir leikir fara fram á Akureyri um helgina í Hertz-deild kvenna þegar Fjölnir sækir okkar stúlkur heim í tvíhöfða. Leikirnir eru á laugardag kl. 17.45 og sunnudag kl. 9.00. Liðin mætust síðast í Egilshöll í september en þá sigraði SA með 5 mörkum gegn 3. Það er áhorfendabann á leikina en þeim verður báðum streymt í beinni útseningu á ÍHÍ-TV.

SA hokkí liðin unnu sigra í öllum leikjum helgarinnar en keppt var í Hertz-deildum kvenna og karla ásamt U-18. Kvennalið SA vann stórsigra á nýliðum SR í tvíhöfða á Akureyri 17-2 og 19-0. SA Víkingar unnu 5-1 sigur á Fjölni í Egilshöll á laugardag og U18 lið SA vann 6-3 sigur á Fjölni á föstudagskvöld.

Íslandsmet og persónulegmet féllu um helgina

Listhlaupadeild Skautafélags Akureyar tryggði sér þrjú gullverðlaun og 3 Íslandsmeistaratitla á seinni keppnisdegi skautamóts Reykjavíkurleikanna. Freydís Jóna vann gull í Advanced Novice flokk og Sædís Heba Guðmundsdóttir varð í öðru sæti. Júlía Rós setti persónulegt met í Junior flokki með 128.37 stig og Aldís Kara setti Íslandsmet í Senior flokki með 123.44 stig.

SA hefur leik í Hertz-deild kvenna nú um helgina eftir Covid hlé með tveimur leikjum gegn SR. Sá fyrsti fer fram á laugardag kl. 17.45 og sá síðari á sunnudag kl. 9.00. Strangt áhorfendabann er á leikina en leikjunum verður streymt í beinni á SA TV sem má finna hér vinstra megin í valmyndinni.

Keppni á Reykjavíkurleikunum í listhlaupi 2021 hefjast í dag. Eins og fram kemur á síðu skautasambandsins þá verða samhliða afhentir Íslandsmeistaratitlar ársins 2020. Þetta var ákveðið af stjórn í ljósi þess að Íslandsmóti ÍSS, sem átti að fara fram í nóvember sl., var aflýst sökum æfinga og keppnisbanns sem hafði verið um land allt. Því verður verðlaunaafhending tvöföld.

Ísold Fönn Vilhjálmsdóttir hefur um árabil búið og skautað erlendis. Hún hefur síðasta árið búið í Champéry í Sviss og æft þar undir leiðsögn Stéphane Lambiel sem sjálfur er tvöfaldur heimsmeistari og silfurverðlaunahafi á Ólympíuleikum.

Aldís Kara Bergsdóttir er íþróttakona Akureyrar árið 2020. Þetta er annað árið í röð sem Aldís er kjörin besta íþróttakona Akureyar. Aldís setti stigamet íslenskra skautara á Norðurlandamóti á árinu og tryggði sér sæti á heimsmeistaramóti unglinga og varð þar með fyrsti íslenski skautarinn sem nær þeim árangri. Aldís tók svo þátt í heimsmeistaratmóinu sem fram fór í Tallinn og stóð sig frábærlega og náði 35. sæti af 48. keppendum.

Aldís Kara Bergsdóttir og Ingvar Þór Jónsson voru í gærkvöld heiðruð sem íþróttakona og íþróttakarl SA fyrir árið 2020. Aldís Kara var valin bæði skautakona listhlaupadeildar á dögunum sem og skautakona ársins hjá Skautasambandi Íslands. Ingvar Þór var valinn íshokkímaður íshokkídeildar SA fyrir árið 2020. Þau eru tilnefnd af Skautafélaginu til íþróttafólks Akureyrar fyrir árið 2020 en kjörið fer fram í dag 20. janúar kl. 17.30 í Hofi. Síðustu ár hefur öllum bæjarbúum er boðið í hófið en vegna sóttvarnarreglna er hófið eingöngu fyrir boðsgesti í þetta skiptið. Hér er hægt að sjá tilnefnínar tíu efstu í kjörinu en þau Aldís og Ingvar eru bæði á þeim lista. Við óskum Aldísi og Ingvari hjartanlega til hamingju með þessa nafnbót.