Listhlaupsstelpurnar úr SA hafa staðið sig vel á Mladost Trophy sem fram fer í Zagreb. Keppni lauk í dag og nú tekur við ferðalag til Póllands og æfingabúðir þar.

Víkingar eru komnir í 2-1 í einvíginu við Björninn um Íslandsmeistaratitil karla í íshokkí eftir sigur í æsispennandi leik í Skautahöllinni í kvöld þar sem úrslitin réðust á tíunda vítaskoti eftir markalausa framlengingu. Bjarnarmenn loks með mark eftir 70 mínútna markaþurrð.

Í dag mætast SA og Björninn í þriðja leik liðanna í úrslitakeppni Íslandsmóts karla í íshokkí. Mæting á pallana og stuðningur áhorfenda geta skipt sköpum.

Emilía Rós Ómarsdóttir frá Skautafélagi Akureyrar stóð sig frábærlega í keppni í listhlaupi á skautum í dag, en hún keppir á móti í Króatíu ásamt þremur öðrum stúlkum úr SA í landsliðshópi Skautasambands Íslands.

Víkingarnir eru vaknaðir. Eftir erfiða fyrstu tvo leikhlutana í öðrum leik SA og Bjarnarins í úrslitakeppni Íslandsmótsins snéru okkar menn leiknum sér í vil og skoruðu sjö mörk í röð! Lokatölur: Björninn – SA 4-8 (3-1, 1-1, 0-6).

Annar leikur SA og Bjarnarins í úrslitum Íslandsmótsins í íshokkí karla verður í beinni útsendingu í gegnum heimasíðu Bjarnarins, bjorninn.com. Hægt verður að horfa á leikinn á stóra skjánum í fundarherberginu í Skautahöllinni.

Í morgun lögðu fjórar stúlkur úr Skautafélagi Akureyrar sem eru í landsliði ÍSS af stað í keppnisferðalag til Króatíu og Póllands. Þetta eru þær Hrafnhildur Ósk Birgisdóttir, Elísabet Ingibjörg Sævarsdóttir, Sara Júlía Baldvinsdóttir og Emilía Rós Ómarsdóttir.