Skautafélagið Björninn mun brjótast norður yfir heiðar á laugardaginn og sækja okkur SA Víkinga heim með lið í Meistara og 3.flokki. Þetta er í þriðja sinn sem liðin mætast í vetur og hafði SA sigur í fyrri leikjunum tveim og má því ganga að því vísu að Bjarnarmenn koma grimmir til leiksins og hægt að bóka hörku skemmtun hér í Skautahöllinni á laugardaginn kl. 17,30.. 3, flokkar félaganna munu svo eigast við að loknum meistaraflokksleiknum og verður áreiðanlega ekki minni barátta þar. Sem sagt skyldumæting í Skautahöllina á laugardaginn til að hvetja sína menn.  ÁFRAM SA .................

Í gærkvöld spiluðu kvennaliðin hér á Akureyri SAjunior og SAsenior sinn annan leik á tímabilinu. Fyrri leik liðanna vann senior liðið með 5 gegn 2 en nú náði junior liðið að nýta sér það að Sarah og Anna Sonja voru fjarri góðu gamni og unnu 4 - 2 eftir framlengingu og vítakeppni.