Nú er komið að fyrsta ÍSS mótinu og því fylgir breytt dagskrá hjá listhlaupinu.

Skautadagurinn hjá listhlaupinu var haldinn í dag. Góð þátttaka var og iðaði svellið af lífi.

Nú er komin inn drög að tímatöflu í listhlaupinu. Í valmyndinni vinstramegin á síðunni.

Hokkí & Sport sem sérhæfir sig í íþróttabúnaði fyrir íshokkí og listhlaup mætir til Akureyrar um helgina og verður með verslun sína í fundarherberginu í Skautahöllinni á Akureyri á laugardag frá klukkan 13-17 og á sunnudag frá klukkan 14-16. Komum með fullt af nýju dóti með okkur og það er um að gera að hafa samband við okkur hér á Facebook eða hringja í síma 588-9930 ef það er eitthvað sem þið viljið að við komum með sérstaklega eða þurfum að panta. Tilvalið tækifæri fyrir þá sem vantar skauta eða annan búnað fyrir veturinn að koma og skoða úrvalið.

Um helgina verða haldnar mini æfingabúðir fyrir keppnisflokkana okkar. Æfingabúðirnar hefjast kl.14:00 á föstudaginn og þeim lýkur kl. 18:50 á sunnudaginn. Gleði og gaman í höllinni alla helgina.

Byrjendaæfingar íshokkídeildar hefjast sunnudaginn 18. september. Allir krakkar á aldrinum 4-11 ára eru velkomnir á æfingarnar en fyrstu 4 vikurnar eru fríar fyrir þá sem eru að prufa í fyrsta sinn. Allur búnaður er á staðnum en það má einnig fá hann leigðan í lok prufutíma ef ætlunin er að halda áfram að æfa. Æfingarnar eru tvisvar í viku á sunnudögum kl. 12.00-12.50 og á fimmtudögum kl. 17.10-18.00.

Sunnudaginn 18. september verður Listhlaupadeildin með skautadag fyrir alla krakka frá klukkan 13:00-14:30. Sýnikennsla og þjálfun Glæsileg skautasýning Sala á skautafatnaði Heitt á könnunni Skráning á staðnum Hvetjum alla til að koma og eiga skemmtilegan skautadag.

Nú er ísinn að verða klár og staðfest að æfingar á ís byrja síðasta lagi um miðjan dag á fimmtudag. Tímatafla vetrarins er komin á heimasíðuna í tenglinum til vinstri en hún hefur tekið nokkrum breytingum. Fyrst og fremst má nefna að krulludeild hefur fengið úthlutað tíma á mánudögum frá kl 17.20-21.00 sem ætti að verða veruleg innspýtting í starf krulludeildar. Þessi breyting hefur í för með sér smávægilegt rask í tímatöflu annarra deilda en tímar listhlaupadeildar á mánudögum færast á aðra daga og tímar hokkídeildar færast aftar á kvöldin. Þá hefur almenningstími á laugardögum verið styttur til kl 16.00.

Allir að fylgjast með í dagskránni, á facebook og á heimasíðunni