4.flokkur á heimleið
17.02.2008
Verður við Skautahöll kl. 16:30.
Karfan er tóm.
4.flokkur stendur sig vel
16.02.2008
4.fl. spilaði 2 leiki í morgun, fyrst við Björninn og unnu hann 11 gegn 0 og svo við SR og unnu þar með 8 gegn 2. Þau eru að fara að spila seinni leikinn við SR, set inn úrslit á eftir. Góóóóðir SA ................................ þriðji leikur dagsins vannst 11 - 0 (O:
Fyrri leiknum var að ljúka
16.02.2008
SA lagði Björninn með 14 mörkum gegn 7 eftir heldur brokkgenga byrjun.
Mikið um að vera í Egilshöll um helgina
14.02.2008
Á föstudagskvöldið munu meistaraflokkur Bjarnarins og SA spila fyrri leik sinn þessa helgi og á sunnudaginn kl. 15,00 seinni leikinn og verður hann sýndur beint í sjónvarpi allra landsmanna, RÚV. Allir stuðningsmenn og konur eru nú hvött til að mæta og hvetja sína menn því án efa verða þetta baráttuleikir því þó SAmenn séu búnir að tryggja sigur sinn í deildinni og þar af leiðandi þáttöku í Úrslitakeppninni þá þurfa Bjarnarmenn að bíta í skjaldarrendur og fara að hala inn stig ef þeir ætla sér í úrslit, sem þeir örugglega ætla og enn eru nógu mörg stig í pottinum til að það sé hægt. Einnig mun 4.fl. SA leggjast í langferð á morgun í Egilshöll til þáttöku í öðrumhluta íslandsmótsins í 4.fl. sem líka er haldið þessa helgi. ÁFRAM SA .......................
Karlalandsliðið valið í dag
11.02.2008
Hann Denni hefur nú tilkynnt liðið sem keppa mun í Ástralíu á vordögum. Frá SA eru Birkir Árnason, Björn Már Jakobsson, Jón Gíslason, Ingvar Þór Jónsson, Ómar Smári Skúlason og nýliðarnir tveir Steinar Grettisson og Orri Blöndal. Vert er að minnast sérstaklega á árangur Ómars Smára því hann er nú valinn fyrstur inn í liðið eftir frækilega frammistöðu í vetur.
Mike markverja
10.02.2008
Undanfarnar vikur hefur hefur kynlegur kvistur sést á kreiki í skautahöllinni. Þar er á ferðinni Michael Boudreau sem er Kanadamaður hefur búið hér á landi í vetur og unnið við smíðar. Hann er markmaður og hokkífíkill eins og svo margir aðrir og hann hefur slegist í lið með okkur og tekur þátt í starfinu af miklum krafti. Hann mætir á allar æfingar, fer í markið ef vantar markmann en spilar annars úti bæði í meistarafloki og old boys.
Barna- og unglingamót 2008
10.02.2008
Hæ, hæ! Það voru send út sms á foreldra allra iðkenda sem eru að fara á keppa á Barna- og unglingamótinu 29. febrúar - 2 mars og þeir beðnir að greiða í s.l. í dag 10.2 eða láta vita annars ef ekki ætti að taka þátt. Það hafa nokkrir greitt en enginn hringt svo við álítum að allir ætli að keppa og erum við búin að greiða keppnisgjöldin samkvæmt því. Gerið skil á keppnisgjöldum sem fyrst. 1 dans =2500 krónur. Reikningsnúmerið er 0162-05-268545; Kennitala 510200-3060. Gott að hafa skýringu með. Kveðja Anna
Hokkíviðburður í kvöld
09.02.2008
Í kvöld kl. 18:00 verður hörkuleikur á milli U18 ára landsliðsins og karlalandsliðsins. Leikurinn er hluti af æfingaprógrammi liðanna, sem nú dvelja hér á Akureyri við stífar æfingar. Þjálfari karlaliðsins er Sveinn nokkur Björnsson og honum til aðstoðar er Richard Tahtinen, en þjálfari U18 ára liðsins er Sergei Zak og honum til aðstoðar er Jón Gíslason.
Á þessum tíma í dag var á dagskrá kvennaleikur en þar sem hann féll niður vegna veðurs var þessi leikur færður fram og því ætti enginn áhugamaður um íshokki að verða fyrir vonbrigðum í kvöld.
Heyrst hefur að yngra liðið ætli sér að taka það eldra í gegn og sína þeim í tvö heimana. Einhver unglingurinn hafði á orði að í eldra liðinu væru ekkert annað en hel-stirðar og gat-slitnar risaeðlur sem ekkert erindi ættu í unga og hrausta menn.
Engar æfingar hjá 3-4. og 5.flokki á laugardag
07.02.2008
Æfingar falla niður hjá 3-4. og 5.flokki á laugardaginn vegna landsliðsæfinga.