Kæru iðkendur og foreldrar! Nú fer að styttast í jólasýningu hjá okkur. Í ár sýna krakkarnir okkar

Þegar trölli stal jólunum

sunnudaginn 18. desember kl.  16:30

Aðgangur 500 kr fyrir fullorðna

frítt fyrir 12 ára og yngri

Ekki er tekið við greiðslukortum

Allir iðkendur fá hlutverk og hvetjum við ykkur til þess að mæta ásamt öðrum gestum,líta upp frá amstri jólanna og njóta stundarinnar með börnunum ykkar. Foreldrafélagið mun standa fyrir kaffisölu í hléi á sýningunni.

Hér eru upplýsingar um það hvernig hver flokkur á að vera klæddur.

3. flokkur S: Þau eru krakkar að leika sér með jólagjafir.  Þau eiga að vera í jólalegum fötum, mega koma í skautakjólum ef þær vilja.

Jólafrí er svo að lokinni sýningu og verður nánar auglýst síðar hvenær æfingar hefjast að nýju
Upplýsingar er hægt að nálgast hjá þjálfurum og stjórn listhlaupadeildar.

Laugardaginn 10. desember verður haldið minningarmót um Magnús Finnsson, formann SA, sem lést fyrr á þessu ári langt um aldur fram. Að sjálfsögðu verður   keppt í íshokkí og eru það Old-boys lið frá SA, SR og Birninum sem keppa um bikar sem Skautafélag Akureyrar gefur af þessu tilefni.          

 Fyrsti leikurinn hefst kl. 16:00 en þá eigast við kvennalið SA og úrval úr öllum liðum. Hver leikur verður 2x20 mínútur. Veglegt kaffihlaðborð verður fyrir gesti og  gangandi frá kl. 17:00. Í hléum á milli leikja munu iðkendur frá Listhlaupsdeild SA sýna listir sínar.  

Gaman væri að sjá sem flesta félaga SA, bæði eldri og yngri ásamt foreldrum og öðrum velunnurum í tilefni dagsins. Um leið og við höldum á lofti minningu  Magnúsar getum við átt saman góðar stundir, fengið okkur kaffibolla og kökusneið, hvílt okkur frá jólabakstrinum og að sjálfsögðu notið þess að horfa á eldri sem  yngri snillinga sýna listir sínar á ísnum.  

Oldboys mót ný tafla  Hokkíleikirnir eru 2x 20 mín. og er klukkan ekki stoppuð.

Foreldrar barna í 3., 4., 5., 6. og 7. flokki

Um leið og við þökkum fyrir frábæra þátttöku foreldra við að pakka inn jólagjafapakkningunum 29. og 30. nóv. viljum við koma því á framfæri að EKKI verður pakkað fleiri pakkningum 1. desember vegna góðrar mætingar á hin kvöldin.   Einnig biðjumst við velvirðingar á því að birgðir kláruðust 1. kvöldið vegna óviðráðanlegra orsaka og vonum við að það hafi ekki komið að sök :o)

Takk fyrir skemmtileg kvöld, Foreldrafélagið.

HokkíVídeóTími í fundarherberginu í dag miðvikudaginn 30. nóvember klukkan 16:30

Þeir sem eru skráðir hér fyrir neðan eiga að mæta: aðrir fá tíma síðar.
Árni Freyr Jónsson,  Daniel Björn Baldursson,  Gunnar Darri Sigurðsson,
Hilmir Freyr Guðmundsson,  Jón  Rögnvaldur Björnsson, Sigurður Baldursson,
Stefán Már Antonsson,  Veigar Árni Jónsson,  Andri Heiðar Arnarsson,  Einar Ólafur Eyland,
Bergur Brynjar Gíslason, Ísak Kristinn Harðarson,  Jóhann Már Leifson,  Sigurdur
Reynisson,  Þórir Arnar Kristjánsson,  Ingólfur Tryggvi Elíasson,  Úlfur Bragi
Einarsson og Baldvin Orri Smárason.
Kveðja
Jan Kobezda, þjálfari