Halló nú er skautatímabilið að byrja og minni ég á skautatöskurnar fínu sem eru með sér hólfi fyrir skautann og gott hólf fyrir hjálminn, fötin eða nestið, hentar líka vel fyrir skíðaskó og nesti í fjallið, margir litir og munstur, mjúkar hlífar sem gott er að nota á skautann í töskuna og Mondor skautabuxur frá Everest, svartar flís sem koma niður fyrir skautann. Er með þetta heima.

Endilega hafið samband hringið eða sendið mail, komið og skoðið og mátið.

Allý - allyha@simnet.is - 8955804

Síðastliðinn þriðjudag lá loks fyrir niðurstaða í dómsmáli sem SR höfðaði gegn okkur eftir úrslitakeppnina vegna Josh.  Eftir að dómstóll ÍSÍ dæmdi okkur í vil í vor áfrýjuðu SR-ingar og það var ekki fyrr enn nú sem niðurstaða lá fyrir.  Niðurstaða áfrýjunardómstólsins var samhljóða fyrri niðurstöðu.

Í dómnum segir m.a.:

"Samkvæmt 1. mgr. 10.7.2 gr. reglugerðar Íshokkísambands Íslands (ÍHÍ) um félagaskipti skulu erlendir leikmenn leika að minnsta kosti einn leik í hverri umferð sem spiluð er fram að úrslitakeppni eftir 1. nóvember til að teljast gjaldgengir í úrslitakeppni. Missi leikmaður úr umferð vegna meiðsla eða leikbanns tapar hann ekki gjaldgengi sínu til þátttöku í úrslitakeppni.
Fallist er á með stefnda að tilgangur fyrrnefnds reglugerðarákvæðis sé að koma í veg fyrir að félög skrái leikmenn fyrir 1. nóvember ár hvert án þess að fá þá til landsins og mæti síðan með þá beint í úrslitakeppni. Svo háttar ekki til um leikmann þann er hér um ræðir, Joshua John Gribben, en ágreiningslaust er með aðilum að hann hafi verið búsettur hérlendis í þrjú ár og annast þjálfun fyrir stefnda auk þess að leika með liði hans.
Í málinu liggur fyrir læknisvottorð, dagsett 22. mars 2011, þar sem fram kemur að fyrrnefndur leikmaður hafi orðið fyrir skaða á hægri öxl 2. október 2010 eftir fall í íshokkíleik. Hann hafi verið í sjúkraþjálfun síðan þá, sem gengið hafi ágætlega, en hann hafi þó ekki náð sér að fullu. Hafi leikmaðurinn enn skerta hreyfigetu í öxlinni á útgáfudegi vottorðsins og fái verki er hann beitir hægri hendinni. Hafi þessi áverki komið í veg fyrir að leikmaðurinn gæti keppt í íshokkí að fullu „nú í vetur“. Þá liggur jafnframt fyrir vottorð um sjúkraþjálfun leikmannsins vegna áverkans á öxlinni.
Með ofangreindu læknisvottorði er að mati dómsins nægjanlega í ljós leitt af hálfu stefnda að umræddur leikmaður hafi misst úr umferðum í undankeppni Íslandsmótsins
vegna axlarmeiðslanna, en af því leiðir að hann tapaði ekki gjaldgengi sínu til þátttöku í úrslitakeppni Íslandsmótsins.
Með þessum athugasemdum, en að öðru leyti með vísan til forsendna hins áfrýjaða dóms, er niðurstaða hans staðfest."

Aðalfundur félagsins fór fram í kvöld og þar voru eftirtaldir aðilar kjörnir í stjórn:

Sigurður Sigurðsson - formaður
Ólöf Sigurðardóttir
Heiða Hrönn Hreiðarsdóttir - (ný í stjórn)
Reynir Sigurðsson
Hallgrímur Valsson - (nýr í stjórn)
Davíð Valsson
Dröfn Áslaugsdóttir.