Kvennalandslið íslands í íshokkí heldur bingó í sal Lionsklúbbins Hængs, Skipagötu 14, í dag kl. 13.00. Allur ágóði fer í undirbúning fyrir þátttöku í Heimsmeistaramótinu sem liðið tekur þátt í síðustu vikuna í mars.

Víkingar tryggðu sér deildarmeistaratitilinn og oddaleiksréttinn í úrslitakeppninni með öruggum sigri á Birninum í dag. Fyrsti leikur í úrslitakeppninni verður á fimmtudagskvöldið kemur.

Í dag kl. 17.30 mæta Víkingar Birninum í deildarkeppni Íslandsmóts karla í íshokkí. Með sigri eða framlengingu tryggja Víkingar sér deildarmeistaratitilinn. Tapi Víkingar fá þeir tækifæri til að tryggja sér titilinn og oddaleiksréttinn á þriðjudagskvöld þegar lið SR kemur norður.

Lið SA gerði sér lítið fyrir og sigraði deildarmeistara Bjarnarins í Egilshöllinni í fysta leik úrslitakeppni Íslandsmóts kvenna í íshokkí í kvöld. Ragnhildur Kjartansdóttir og Sarah Smiley skoruðu mörk SA. Liðin mætast aftur sunnudaginn 9. mars kl. 19.00 í Skautahöllinni á Akureyri.

Vegna vetrarfría í skólum verður opið fyrir almenning á svellið í dag, fimmtudaginn 6. mars, kl. 13-15. Venjulegur almenningstími verður síðan á föstudag, laugardag og sunnudag. Minnum á gjaldskrá Skautahallarinnar.

Níu stúlkur frá listhlaupadeild Skautafélags Akureyrar eru nú í Búdapest þar sem þær taka þátt í Sportland Trophy listhlaupsmótinu sem fram fer dagana 4.-9. mars.

Reynir Sigurðsson hefur undanfarna mánuði lagt mikla vinnu í upptökur og útsendingar úr Skautahöllinni á Akureyri, stundum við misjafnar undirtektir. Upptökur frá leikjum helgarinnar eru nú komnar á netið.

Deildarkeppni Íslandsmótsins í krullu lauk í kvöld. Garpar kláruðu deildina með fullu húsi og mæta Mammútum í fyrstu umferð úrslitakeppninnar. Ice Hunt og Freyjur einnig í úrslitin.

Fimmtudaginn 6. mars fer lið SA suður og mætir deildarmeisturum Bjarnarins í fyrsta leik úrslitakeppni Íslandsmóts kvenna í íshokkí 2014. Leikurinn fer fram í Egilshöllinni og hefst kl. 19.30.

Þrjú lið eiga möguleika á að hampa deildarmeistaratitli Íslandsmótsins í krullu, en lokaumferð keppninnar fer fram í kvöld.