Íslandsmótið í krullu 2010 - leikið til úrslita í dag
27.03.2010
Úrslitaleikir Íslandsmótsins í krullu fara fram í Skautahöllinni á Akureyri í dag og hefjast kl. 16.30.
Karfan er tóm.
SKAUTATÖSKUR SÝNDAR Í HÖLLINNI
26.03.2010
Á morgunn laugardag verður Helga úr R.vík með skautatöskur til sýnis og sölu í skautahöllinni milli kl. 10:30 og 13:00.
Nán. uppls. Allý , s-8955804, allyha@simnet.is
Íslandsmótið í krullu: Keppt um Wallace-bikarinn í níunda sinn
26.03.2010
Um helgina verður keppt til úrslita um Íslandsmeistaratitil í krullu - Wallace-bikarinn, sem gefinn var Íslendingum af Tom og Sophie Wallace í Seattle í Bandaríkjunum. Þessir frumkvöðlar að upptöku krulluíþróttarinnar á Íslandi eru báðir látnir, Sophie lést síðastliðið sumar í hárri elli. Keppt er í níunda sinn um þennan bikar.
Íslandsmótið í krullu 2010 - úrslitakeppnin hefst í kvöld
26.03.2010
Úrslitakeppni Íslandsmótsins í krullu 2010 hefst í kvöld, föstudagskvöldið 26. mars, kl. 22 í Skautahöllinni á Akureyri.
SA mætir finnsku liði
24.03.2010
Á morgun fimmtudag kl. 19:00 fer fram leikur á milli karlaliðs SA og liðs frá Finnlandi sem heitir Storm. Lið þetta er á ferðalagi um heiminn í þeim tilgangi að spila við hin og þessi lið og hafa þeir ákveðið að heiðra okkur með nærveru sinni. Liðið spilaði tvo leiki við íslenska landsliðið í Laugadalnum um síðustu helgi og landsliðið vann báða leikina, þann fyrri 6 - 4 og þann seinni 3 - 2.
Liðið er semsagt býsna sterkt og því má reikna með hörkuleik hér í Skautahöllinni á morgun og því um að gera fyrir fólk að fjölmenna í höllina og horfa á skemmtilegt hokkí en þess má geta að aðgangur er ókeypis.
Eldri unni yngri 6 - 4
24.03.2010
Í gærkvöldi mættust eldra og yngra kvennalið SA í 5. umferð Íslandsmótsins. Leikurinn var jafn og spennandi en þær eldri sigu frammúr á endasprettinum og tryggðu sér tveggja marka sigur. Fyrsta mark leiksins skoraði Guðrún Blöndal eftir sendingu frá Söruh Smiley. Bergþóra Bergþórssdóttir jafnaði leikinn skömmu fyrir lok fyrstu lotu eftir sendingu frá Evu Maríu. Staðan var því jöfn eftir fyrstu lotu.
Helga Margrét í 2.ára námsleyfi
24.03.2010
Yfirþjálfari LSA, Helga Margrét Clarke, fer í tveggja ára námsleyfi til Reykjavíkur frá og með næsta hausti. Hún mun hins vegar starfa áfram sem yfirþjálfari deildarinnar og mun væntanlega koma norður að þjálfa einu sinni í mánuði, sem og í fríum. Deildin mun hins vegar finna annan/aðra þjálfara til að leysa hana af í allri almennri þjálfun á þessu tímabili.
Páskafrí iðkenda LSA
23.03.2010
Páskafrí LSA verður dagana 29. mars til 6. apríl. Æfingar hefjast aftur samkvæmt tímatöflu miðvikudaginn 7. apríl. Við minnum A og B iðkendur á páskaæfingabúðir LSA en nánari upplýsingar um þær er að finna á heimsíðunni. Iðkendum í C1, 2, 3 og 4 verður boðið á æfingar í páskafríinu en þá tíma er einnig hægt að nálgast í tímatöflu páskaæfingabúða.
Páskaæfingabúðir LSA
23.03.2010
Í páskafríinu ætlar LSA að halda litlar æfingabúðir fyrir A og B iðkendur sína og einnig hefur iðkendum Bjarnarins og SR verið boðið að taka þátt. Æfingabúðirnar munu hefjast mánudaginn 29. mars og lýkur 2. apríl. C iðkendum verður einnig boðið á æfingar í páskafríinu. Helga Margrét og Audrey Freyja Clarke munu sjá um æfingarnar bæði á ís og afís hjá A og B iðkendum. Aðaláherslan verður á Grunnpróf ÍSS. Tímatöflu má sjá undir lesa meira. Þeir sem áhuga hafa á að taka þátt er bent á að senda skráningu á helgamargretclarke@gmail.com, þessar æfingabúðir eru innifaldar í æfingagjöldum iðkenda LSA en mikilvægt er að fá skráninguna svo hægt sé að hópaskipta. Vinsamlega sendið inn skráningu fyrir fimmtudaginn 25. mars.
HM í listhlaupi 2010 - Torino
23.03.2010
Þessa vikuna fer fram 100. heimsmeistaramót í listhlaupi á vegum alþjóðaskautasambandsins (ISU). Frá og með deginum í dag og fram á næsta sunnudag munu 208 íþróttamenn frá 53 löndum keppa á ísnum í Palavela. Á meðal þeirra eru fjölmargir verðlaunahafar Ólympíuleikanna í Vancouver.