Viltu læra að skauta.

 Fjögurra vikna leikjanámskeið á skautum fyrir stelpur og stráka á aldrinum 4-5 ára og 6-7 ára hefst sunnudaginn 15. október. Kennt verður einu sinni í viku á sunnudögum milli kl. 16:15 og 17:00. Námskeiðsgjald verður kr. 2000. Skráning verður á staðnum á milli kl. 15:30 og 16:10 sunnudaginn 15. október. 

  Ath. að Skautahöllin leggur til skauta og hjálma endurgjaldslaust meðan á námskeiði stendur.  

Vegna ferðar til Reykjavíkur næstu helgi verðum við í Skautahöllinni (fundarherbergi) fimmtudaginn 12. október frá kl. 18-19 og tökum á móti greiðslu sem er  11.000 kr., þeir sem eiga inneign í sjóði geta látið hana ganga upp í greiðslu.  Ath! ekki er hægt að greiða með korti.  Einnig munum við afhenda lista yfir það sem þarf að hafa með.

Allar nánari upplýsingar veitum við á fimmtudaginn.            Foreldrafélagið

Kl 15:00 ætlar Fríða að tala um mataræði íþróttafólks sem er 16 ára og yngra.  Hvernig á að borða á æfingatímabilinu, daginn fyrir keppni, á keppnisdag?  Þetta eru spurningar sem foreldrar eru líka að velta fyrir sér og því æskilegt að þeir mæti með börnum sínum. 

Kl. 16:30 er síðan fyrirlestur og spjall um mataræði keppnisfólks í öllum íþróttagreinum.  Afreksfólks, áhugahlaupara, þeirra sem æfa mikið og vilja bæta árangur sinn.  Eru fæðubótaefnin nauðsynleg?  Hvernig á þá að nota þau?

 Verð:500kr fyrir 17 ára og eldri

Helga ætlar að fara í gegnum tónlistardiskana fyrir iðkendur á miðvikudaginn 11. okt. og taka frá þá diska sem eru ekki í notkun. Á föstud. laugardag og sunnudag (á æfingartímum) eru iðkendur hvattir til að mæta og fá tónlistardiskana sína lánaða og láta taka afrit af þeim og skila síðan aftur eins fljótt og hægt er.  Það er mjög nauðsynlegt að hver iðkandi eigi heilan og órispaðan disk þegar kemur að keppni. Iðkendur eiga líka að eiga eitt eintak sem þeir geyma í skautatöskunni og nota þegar þeir eru að æfa dansinn sinn með tónlist. :-)