Lið Skautafélags Akureyrar í meistaraflokki kvenna, Ynjur og Ásynjur, mættust í Skautahöllinni í gærkvöldi. Leikurinn var spennandi eins og allir leikir þessara liða, en það voru Ynjurnar, lið yngri leikmannanna, sem fór með sigur af hólmi í þetta sinn.

Ynjur Skautafélags Akurerar mæta Ásynjum Skautafélags Akureyrar í kvöld kl 19.30 í Skautahöllinni á Akureyri. Síðasti leikur liðanna endaði á furðulegan hátt þegar leik var frestað vegna tæknilegra vandamála þegar tvær lotur höfðu verið spilaðar og Ásynjur leiddu þá leikinn 2-1. Síðar kom í ljós að leiknum yrði ekki haldið áfram og kláraður á öðrum leikdegi heldur myndu úrslitin standa þar sem búið var að spila meira en helming venjulegs leiktíma. Leikir þessarar liða hafa verið gríðarlega spennandi og skemmtilegir í gegnum tíðina svo við hvetjum fólk til þess að mæta á þennan leik.

Nú er síðari keppnisdegi á Bikarmóti lokið. Marta María Jóhannesdóttir kom sá og sigraði á þessu fyrsta móti sínu í junior flokki. Marta náði fyrsta sætinu örugglega með heildarstig uppá 94,75. Hún skautaði free prógrammið sitt dæmalaust vel í dag og fékk fyrir það 60,80 stig. Í Advance Novice dró Ásdís Arna sig út úr keppni síðari daginn vegna meiðsla en þær Aldís Kara og Rebekka Rós skautuðu afar vel í dag. Aldís Kara landaði öðru sæti með góðu free prógrammi og fékk fyrir það 46,19 , samtals 71,76. Rebekka hafnaði í þriðja sæti í dag, fékk 43,86, heildarstig 70,73. Í flokki basic Novice B hætti Eva Björg keppni en Hugrún Anna skautaði vel, fékk 17,14 stig og hafnaði í 13 sæti. Vegna meiðsla drógu þær Briet Berndsen og Emilía Rós sig úr keppni fyrir mót.

Þessa helgi stendur yfir Bikarmót Skautasambands Íslands í Laugardalnum þar sem Listhlaupadeild SA á 16 keppendur að þessu sinni. Nú þegarr fyrri keppnisdegi er lokið hafa unnist tvö gullverðlaun, tvö silfurverðlaun og tvenn bronsverðlaun. Allar LSA stúlkurnar stóðu sig frábærlega í dag eins og venja hefur verið.

Alþjóðlegi Stelpuhokkídagurinn sem fram fór síðustu helgi vakti mikla lukku ekki síður erlendis sem hérlendis. Um 45 stelpur á aldrinum 4-15 ára mættu hingað í Skautahöllina til okkar og prufuðu hokkí í fyrsta sinn og aðrar 50 stelpur í félaginu komu einnig og skemmtu sér saman. Það voru settar upp æfingar þar sem stelpurnar æfðu skautatækni, skot, sendingar og vítaskot. Seinna var spilaður leikur við stelpur á landsliði Íslands og svo var fengið sér heit kakó og kleinur í lok dagsins.

Greifamót 5. 6. og 7. flokks verður haldið í Skautahöllinni hjá okkur um helgina, 14. og 15. október, þar sem rúmlega 150 keppendur frá félögunum þremur munu etja að kappi. SA sendir um 95 keppendur til leiks í þetta sinn sem er fáheyrður fjöldi í þessum aldursflokkum og mörg börn sem eru að keppa í fyrsta sinn. Leikirnir hefjast á laugardagsmorgun kl 8.00 og standa yfir til kl 19 og svo heldur fjörið áfram á sunnudagsmorgun kl 8.00 en mótið klárast kl 13 með verðlaunaafhendingu og pizzuveislu. Hér má sjá dagskrá mótsins.

SA Víkingar unna 5-4 sigur á Birninum í Hertz-deildinni í kvöld eftir ævintýralega endurkomu líkt og þegar sömu lið mætust í fyrsta leik tímabilsins. Björninn náðu 3-0 forystu um miðja fyrstu lotu en SA Víkingar unnu sig hægt og bítandi til baka inn í leikinn og náðu að snúa stöðunni 5-3 forystu í lok annarar lotu áður en Björninn náðu að minnka muninn í eitt mark. SA Víkingar eru því enn á toppi deildarinnar með 15 stig eftir 6 leiki en aðeins Esja geta ógnað Víkingum á toppnum en þeir eiga tvo leiki til góða.

Alþjóðlegi stelpu hokkídagurinn verður haldinn hátíðlegur í Skautahöllinni á Akureyri sunnudaginn 8. október frá kl 13.00-15.00. Öllum stelpum sem langar að prófa hokkí er boðið frítt inn og fá allann búnað lánaðan á staðnum. Það er venjulegur almenningstími á sama tíma á svellinu og það þarf því að taka fram í afgreiðslunni ef þið viljið prófa hokkí.

SA Víkingar taka á móti Birninum í Skautahöllinni á Akureyri laugardaginn 7. október og hefst leikurinn kl 16.30. Liðin hafa mæst einu sinni í vetur á heimavelli Bjarnarins en þá höfðu Víkingar betur í stórkostlegum leik. Bæði lið hafa aðeins tapað einum leik í vetur og má búast við mjög spennandi leik. Mætum í stúkuna og styðjum okkar lið, aðgangseyrir 1000 kr. og frítt fyrir 16 ára og yngri.

Fyrsta Innanfélagsmót hokkídeildar gekk vonum framar en sjaldan hafa verið jafn margir keppendur. Um 110 iðkenndur tóku þátt og þar af voru um 30 sem voru að keppa í fyrsta sinn. Í innanfélagsmótinu eru þrjár deildir þar sem 4 lið taka þátt í I deild fyrir 4. og 5. flokk, fjögur lið í II deild sem er 6. flokkur og svo þrjú lið í III deild sem er fyrir byrjendur og 7. flokk. Næsta innanfélagsmót fer fram helgina 28. og 29. október.