Víkingar unnu góðann sigur á sterku liði SR í gærkvöld, lokatölur 7-4. Aðeins 7 stig skildu liðin að fyrir leikinn í gær en baráttann um sæti í úrslitakeppninni er gríðarlega hörð. Leikurinn var opinn og skemmtilegur, mikið af mörkum og falleg tilþrif. Að venju er leikurinn kominn upp á vimeo, http://www.ihi.is/is/upptokur .

Emilía Rós Ómarsdóttir var heiðruð síðastliðið mánudagskvöld í félagsherbergi Skautafélagsins en hún var á dögunum valinn íþróttamaður Skautafélags Akureyrar 2014. Sigurður Sigurðsson afhenti Emilíu farandbikar við tilefnið en í bikarinn eru grafin nöfn allra þeirra sem hlotið hafa nafnbótina íþróttamaður Skautafélags Akureyrar. Henni var einnig afhentur verðlaunargripur til eignar og blóm.

Ásynjur báru sigurorð af SR í leik helgarinnar, lokatölur 3-1. Fyrirfram var búist við nokkuð auðveldum sigri Ásynja en annað kom á daginn þar sem SR liðið spilaði virkilega vel og gerði sterku lið Ásynja erfitt fyrir.

Minningarsjóður Magnúsar Einars Finnssonar hlaut nýverið styrk frá Norðurorku en Norðurorka úthlutar styrkjum til samfélagsverkefna árlega. Sigurður Sveinn Sigurðsson formaður skautafélagsins tók við styrknum fyrir hönd sjóðsins á athöfn sem haldin var í matsal Norðurorku. Stjórn sjóðsins þakkar Norðurorku fyrir styrkinn og mun sjá til þess að hann skili sér til góðra verkefna hjá Skautafélaginu.

Sýnt var beint frá keppni á seinni degi RIG á Rúv í dag en þetta var í fysta skipti sem sýnt er beint frá móti í listhlaupi á Íslandi. Sigurganga SA stúlkna hèlt áfram á RIG í dag. Novice stúlkurnar okkar þrjár röðuðu sèr í þrjú efstu sætin eftir geysi harða innbirðis keppni.

Átta A keppendur frá listhlaupadeild SA taka þátt í RIG um helgina. Keppni hófst í gær með keppnishópnum 8A þar gerði hin knáa Ísold Fönn Vilhjálmsdóttir gerði sèr lítið fyrir og vann flokkin með miklum yfirburðum með 28,66 stigum.

Búið er að hlaða Bautamóts leikjum laugardagsins upp á vimeo. SA liðið taplaust eftir daginn (o:

Um helgina fer fram Bautamótið í 4. flokki í Skautahöllinni. Leikið verður seinnipart laugardags og sunnudagsmorgunn. Að venju verður BEINN NETSTRAUMUR á SA TV (0: tengill hérna uppi í hægra horninu :0)

Í lok janúar eru 14 Valkyrjur að fara að taka þátt í alþjóðlegu kvennamóti í Kanada og er þetta í fyrsta sinn í sögu íshokkís á Íslandi sem kvennalið utan meistaraflokka tekur þátt í móti erlendis.

Leikur Víkinga við SR í meistaraflokki karla sem var frestað síðasta þriðjudag en fara átti fram í kvöld hefur verið frestað í annað sinn vegna veðurs en ófært er milli Reykjavíkur og Akureyrar. Leikurinn hefur verið færður til næsta fimmtudags, 22. janúar og byrjar kl 19.30.