Vinamót - úrslit dagur 1
14.03.2010
Vinamót Skautafélags Akureyrar stendur nú yfir og gengur vel. Úrslitin frá laugardeginum eru svo hljóðandi
Karfan er tóm.
Bæjarkeppni í dag
13.03.2010
Í dag kl. 17:30 fer fram hér í Skautahöllinni á Akureyri fyrsta Bæjarkeppnin síðan 1991. Áður en liðin urðu þrjú talsins og fyrsta Íslandsmótið var háð með þremur liðum tímabilið 1991 - 1992 þá kepptu Skautafélag Akureyrar og Skautafélag Reykjavíkur árlega og nefndust þær viðureignir oftar en ekki Bæjarkeppnir. Nú eru uppi hugmyndir um að endurvekja þennan viðburð þar sem Akureyraringar etja kappi við Reykvíkinga í íshokkí einu sinni á ári. Til stendur að gera þetta bæði í karla og kvenna flokkum og í dag eru það karlarnir sem ríða á vaðið.
SA Íslandsmeistarar í karlaflokki
11.03.2010
Í gærkvöldi tryggði Skautafélag Akureyrar sér 14. Íslandsmeistaratitilinn á 19 árum með góðum 6 – 2 sigri á Birninum fyrir fullri höll áhorfenda. Það var gríðarleg spenna í loftinu fyrir þennan leik enda voru fyrstu fjórir leikir liðanna mjög jafnir og spennandi. Þessi leikur fór eins af stað og allir hinir, Bjarnarmenn riðu á vaðið og náðu forystu snemma leiks er þeir nýttu sér tækifæri þegar þeir voru einum fleiri.
Jóhann Leifsson gerði sér lítið fyrir og jafnaði leikinn skömmu síðar en mörkin urðu ekki fleiri að þessu sinni. 2. lota réð úrslitum þar sem SA liðið stjórnaði leiknum og allt gekk upp bæði í sókn og vörn. Lotan vannst 3 – 0 með mörkum frá Gunnari Darra Sigurðssyni, Andra Sverrissyni og Stefáni Hrafnssyni og þarna náðist mikilvægt forskot sem var þægilegt veganesti inn í 3. lotuna.
Búið að draga í keppnisröð
10.03.2010
Búið er að draga í keppnisröð fyrir vinamótið um helgina. Sjá í lesa meira.
Hokkíleikur ársins sýndur í beinni á N4
09.03.2010
Útsendingin er unnin í samvinnu við: Íslensk Verðbréf, Goða, Bílaleigu Akureyrar og Thule
Úrslitaleikur í Skautahöllinni á Akureyri á miðvikud. 10. mars kl. 19,00
09.03.2010
Nú er komið að 5. og síðasta leik í úrslitalotunni þetta tímabilið. 4 leikir búnir og liðin hafa skipst á að vinna svo staðan í einvíginu er 2 : 2. Úrslit undangenginna leikja sýna að liðin, þótt ólík séu að samsetningu, eru gríðarlega jöfn. Margir hafa talað um það undanfarið að Bjarnarmenn séu betur í stakk búnir hvað líkamlegt þol áhrærir og fjölda en SA-drengir hafi sín megin fleiri ár og meiri reynslu, svo það má kanski segja að nú komi í ljós hvort eitthvað sé að marka hið fornkveðna, að betur vinni vit en strit. Nú skorum við á alla velunnara norðan heiða að fjölmenna í höllina og styðja við strákana því það veitir sannarlega ekki af öllum stuðningi til að landa Titlinum við brjálaða stemmingu hér heima á miðvikudaginn. ÁFRAM SA .......
Breyttar æfingar vegna úrslitleiks í hokkíinu
09.03.2010
Breyting á æfingum á morgun og hinn. Á morgun, miðvikudag falla niður æfingar eftir 18:15 og færast fram á næsta dag. Þannig verða A1 og A2 á æfingu 18:15-19:00 á fimmtudag og B1 og S kl:19:10-19:55 á fimmtudag. Ástæða breytinganna er að SA er komið í úrslt í íshokkí og keppa á morgun kl:19:00 - hvetjum alla til að mæta og styðja okkar menn til þess að fá bikarinn heim!
Úrslitaleikurinn í beinni á stórum skjá.
06.03.2010
Á veitingastaðnum Vegiterian, Geislagötu 7 (Hótel Norðurlandi)
Sunnudaginn 7. mars kl.14,00. Húsið opnar kl.13,00 ÁFRAM SA .......
Skautafjöri aflýst
06.03.2010
Af óviðráðanlegum orsökum fellur skautafjörið niður sem átti að vera í kvöld.
3. leikur á morgun í Egilshöllinni
06.03.2010
Á morgun kl. 14:00 mætast SA og Björninn í þriðju viðureign liðanna um Íslandsmeistaratitilinn 2010. Leikurinn fer fram í Egilhöllinni í Grafarvogi og aldrei þessu vant þá verður leikurinn sýndur beint á RÚV. Það verður án efa mikil stemning í höllinni því gera má ráð fyrir því að stuðningsmenn Bjarnarins reyni að fylla húsið enda glórulaust að gera eitthvað annað á sunnudegi kl. 14:00 en að mæta á hokkíleik.