Karfan er tóm.
Helgina 3.-5. október nk. verður haldið Haustmót ÍSS í listhlaupi á skautum hér í skautahöllinni á Akureyri. Nánari upplýsingar um mótið má sjá á heimasíðu ÍSS: www.skautasamband.is
Ennþá vantar starfsmenn á mótið, t.d. í hliðvörslu. Þeir sem hafa tök á að taka að sér vinnu á mótinu eru vinsamlegast beðnir um að hafa samband við mótstjóra sem fyrst í tölvupósti : huldabk@btnet.is eða gsm: 8468675.
Með fyrirframþökk um góðar undirtektir:
Hulda Björg Kristjánsdóttir
Rétt í þessu var að ljúka fyrsta leik Íslandsmótsins í íshokkí hér í Skautahöllinni á Akureyri. Grafarvogsbjörninn sótti okkur heim og stillti upp ágætis blöndu af ungum leikmönnum og aðeins yngri leikmönnum. Björninn er með sambærilegt lið og í fyrra en styrktu sig verulega með nýjum markmanni, en í sumarlok gekk til liðs við þá hinn sænskættaði Íslendingur Dennis Hedström sem gerði garðinn frægan með íslenska landsliðinu í Ástralíu síðasta vor.
Þann 20. september nk. frá kl. 8:00 - 14:00 verður haldið BYR Sparisjóðsmót í Listhlaupi á skautum fyrir keppendur í A og B keppnisflokkum.
Dregið verður í keppnisröð miðvikudagskvöldið 17. september kl. 20:00 í fundarherbergi í Skautahöllinni á Akureyri.
Á fundi ÍBA í gærkvöldi var kynnt samstarfsverkefni ÍBA, ÍRA og skólaþróunnarsviðs HA, vegna íþróttastefnu Akureyrarbæjar. Upphaflega stóð til að fara í vinnu vegna afreksstefnu en verkefnið hefur undið upp á sig og á nú að reyna að móta íþróttastefnu Akureyrarbæjar.