SA spilar sinn fyrsta leik á Íslandsmótinu í meistaraflokki karla á morgun gegn Birninum í Egilshöllinni.  Reikna má með erfiðum leik fyrir okkar menn þar sem þeir reykvísku hafa sett saman öflugara lið en sést hefur lengi í Grafarvoginum.  Björninn er enn í sigurvímu eftir hraðmótið á dögunum og síðan stórsigur á Narfa í fyrsta leik mótsins nú á dögunum.

Óopinberar fréttir herma að fyrsti leikurinn í 2. flokki á milli SRinga og Bjarnarins hafi endað með sigri Bjarnarmanna með 5 mörkum gegn 3 mörkum SRinga eftir að SR var yfir 3 : 1 . Þetta er þó birt án ábyrgðar því þessar uppl. liggja hvergi opinberlega frammi.

Litlahokkíbúðin mætir á svæðið......

Sjá http://www.ihi.is/

Búið er að uppfæra dagskrá innanfélagsmóta og móta á vegum Skautasambands Íslands fyrir skautatímabilið 2007-2008. Þar er að finna upplýsingar um öll mót og hvaða flokkar keppa á hverju móti. Ef einhverjar spurningar vakna hafið samband við Helgu Margréti (helgamargretclarke@gmail.com)

Fyrsti leikur íshokkí tímabilsins var í gær

Síðustu 2 leikirnir á Aseta mótinu um helgina voru á móti Narfa. S.A. menn unnu báða leikina, þann fyrri 6-1 og þann seinni 7-0.

Eins og iðkendur 4., 5. og 6. hóps vita kemur Anne Schelter, frægasti sporakennari í skautaheiminum til okkar á miðvikudaginn. Anne Schelter kemur frá Kanada og er heimsfræg fyrir sporakennslukerfi sem hún bjó til og ber heitið Annie´s Edges. Iðkendur okkar ættu að kannast vel við það enda byggist sporakennsla hjá okkur á þessu kerfi. Anne Schelter mun kenna iðkendum í 4., 5. og 6. hópi (A og B keppendum) 2 tíma hér á Akureyri og er hópaskipting undir "lesa meira".  Tímataflan verður óbreytt fram að 17:10 (3. yngri og eldri og 1. og 2. hópur æfa skv. tímatöflu) en eftir það munu tímar með Anne Schelter taka við og eru nánari tímar undir "lesa meira".