15.05.2019
Vorsýning listhlaupadeildar Skautafélags Akureyrar verður haldin sunnudaginn 19.maí kl 17. Þar munu allir iðkenndur deildarinnar sýna listir sínar. Þemað að þessu sinni er MAMMA MIA🎉
Miðaverð 1500kr, frítt fyrir 12 ára og yngri.
Við lofum góðri skemmtun! 😊
15.05.2019
Sparisjóður Höfðhverfinga hefur veitt Skautafélagi Akureyrar fjárstyrk sem afhenntur var á aðalfundi sparisjóðsins á Grenivík á dögunum. Þetta er í fyrsta sinn sem Sparisjóðurinn styrkir íþróttafélög á Akureyri en tvö önnur félög í bænum fengu einnig styrk. Styrknum verður varið í barna- og unglingastarf deilda Skautafélagsins og kann félagið þökkum til sparisjóðsins fyrir fjárstyrkinn sem mun komast til góðra nota í þágu iðkennda.
07.05.2019
Vormót hokkídeildar hófst í gær en um 140 þáttakendur eru í mótinu í ár í 13 liðum og 4 deildum. Spilað verður alla mánudaga, þriðjudaga, miðvikudaga, fimmtudaga og sunnudaga í maí en síðustu leikirnir fara fram 26. maí. Liðskipan og dagskrá má finna hér vinstra megin á valmyndinni á hokkísíðunni. Góða skemmtun!
07.05.2019
Boðað er til aðalfundar Skautafélags Akureyrar þriðjudaginn 14. maí kl. 20.00 í fundarherbergi Skautahallarinnar. Venjuleg aðalfundarstörf skv. lögum félagsins.
06.05.2019
Aðalþjálfari SA íshokkí hann Jussi Sipponen er á förum frá félaginu eftir að hafa verið í fjögur ár í brúnni. Jussi mun snúa aftur til síns heima og taka við liðinu sem hann kom frá í upphafi en þar tekur Jussi við sem þjálfari karlaliðsins og U-18 ára liði VG-62 í heimabænum sínum Naantali í Finnlandi. Það er með söknuði sem Skautafélagið kveður Jussi sem hefur svo sannarlega hitt í hjartastað í hokkífjölskyldunni á Akureyri.
06.05.2019
Íshokkídeild Skautafélags Akureyrar náði þeim einstaka árangri á tímabilinu 2018-2019 að vinna alla mögulega titla sem í boði voru í íslensku íshokkí. Félagið vann deildarmeistaratitlana og Íslandsmeistaratitlana í meistaraflokki karla og kvenna. Meistaraflokkur karla vann einnig bikarmeistaratitilinn í ár ásamt því að vinna fyrstu umferð Evrópukeppnninnar Continental CUP og náði 3. sætinu í þriðju umferð keppninnar. Þá varð félagið Íslandsmeistari í öllum unglingaflokkunum 2., 3. og 4 flokk bæði A og B liða.
06.05.2019
Aðalfundur hokkídeildar verður haldin í Skautahöllinni mánudaginn 13. maí kl. 20:00.
Fundarefni, venjuleg aðalfundarstörf og önnur mál.
Stjórnin.
06.05.2019
3. flokkur SA tryggði sér Íslandsmeistaratitilinn í íshokkí nú um helgina þegar liðið lagði Björninn tvívegis að velli og tryggði sér þar með Íslandsmeistaratitilinn. SA liðið vann 10 leiki af 12 í vetur en SR var í öðru sæti 6 stigum á eftir SA og Björninn í því þriðja. Glæsilegur árangur hjá flottu liði og við óskum þeim öllum til hamingju með Íslandsmeistaratitlinn og frábært tímabil.
04.05.2019
Úrslitaleikir í Ice Cup 2019 fara fram í dag kl. 14:30
02.05.2019
Results of the first day games at Ice Cup