Krullunámskeiðið verður
13.08.2009
Viðbrögð krullufólks góð. Enn hægt að bæta við.
Karfan er tóm.
Einkatímar
13.08.2009
Hægt er að fá einkatíma hjá Ivetu, Helgu Margréti og Audrey Freyju meðan á æfingabúðunum stendur. Það er takmarkaður ístími í boði og því mikilvægt að þeir sem áhuga hafa panti tíma sem fyrst. Best er að panta tímana með því að tala við viðkomandi þjálfara beint. Við bendum á að ekki má trufla hóptíma á ís til að panta, best að reyna að hitta á þjálfara meðan heflanatímar eru eða á opnum tímum. Iveta og Helga Margrét bjóða upp á tíma í tækni og prógrammagerð en Audrey Freyja mun bjóða upp á tíma í "choreography" eða listfengi (fínpússa prógröm, bæta inn hreyfingum o.s.frv.). 30 mín hjá Ivetu kosta 2500 kr en 1200 kr. hjá Helgu Margréti og Audrey Freyju. Borga skal áður en tíminn byrjar. Það er hægt að senda Helgu Margréti póst á helgamargretclarke@gmail.com og Audrey Freyju póst á audreyfreyja@gmail.com, auðvelt er að hitta á Ivetu niður í höll :)
Nú styttist í að æfingar fari að hefjast
11.08.2009
Jæja góðir iðkendur nú styttist í að tímabilið fari af stað. Nú er allur undirbúningur á fullu og stefnt að því að byrja æfingar þriðudaginn 1. sept. nánar um það síðar. Verið er að leggja lokahönd á vetrardagskránna í samráði við ÍHÍ og hin félögin, og Josh og Sara eru að setja saman æfingatöflu vetrarins. Við stefnum á að fjölga í hokkínu í vetur svo verið nú dugleg að hvetja vini og vandamenn til að koma og prófa hvort sportið hentar þeim. Kvenna vikan í sumar-hokkískólanum er búin og tókst afburða vel og þátttakendur mjög ánægðir og nú er í gangi vika fyrir 12 ára og yngri og sé ég ekki betur en gamanið og skemmtunin séu í hæstu hæðum (O: Varðandi skápana þá eiga þeir sem voru með skápa í fyrra forleigu-rétt, en umsjón með skápunum er í höndum Reynis í reynir@sasport.is eða 6604888. Meira þegar nær líður og hlutirnir verða komnir betur á hreint.
Umfjöllun um æfingabúðirnar á N4
11.08.2009
Umfjöllun um listhlaupa- og hokkíæfingabúðirnar verða á N4 í kvöld kl:18:15 og svo á klukkustundar fresti til morguns. Á morgun má svo sjá umfjöllunina á http://n4.is/tube/
Krullunámskeið - danskur leiðbeinandi
10.08.2009
Ef næg þátttaka fæst ætlar Krulludeildin að bjóða upp á námskeið fyrir krullufólk helgina 29.-30. ágúst.
Æfingar laugardaginn 8. ágúst
07.08.2009
- Afís fellur niður á morgun og ekkert um að vera í fundarherbergi vegna fjarveru þjálfara
- 3. hópur mætir með 2. hóp en 1. og 2. hópur mætir á sínum venjulegu tímum
- Það er ekki boðið upp á hádegismat á morgun svo allir verða að taka með sér nesti
Nýr formaður
06.08.2009
Frá og með deginum í dag mun Jóhanna láta af störfum í stjórn Listhlaupadeildarinnar. Hilda Jana mun taka við og starfa sem formaður út veturinn. Jóhönnu eru þökkuð vel unnin störf í þágu deildarinnar, sem þó er ekki lokið því hún mun taka við sem mótstjóri veturinn 2009-2010.
Old Boys "íshokkí námskeið"
05.08.2009
Nú á að kenna okkur Old Boys spilurum betri skautatækni, skottækni og umfram allt staðsetningar og spil, ekki slæmt? (eða ekki veitir af). Reiknað er með tveimur síðustu vikunum í ágúst og verður æft 3x í viku og tveir tímar í senn. Þeir sem hafa áhuga eru beðnir að hafa samband við Björn Guðmundsson í síma 869-5060 til að skrá sig eða fá nánari útskýringar.
Skautaskóli fyrir börn
05.08.2009
Skautaskóli fyrir börn verður haldinn dagana 10.-21. ágúst fyrir börn fædd 2005 og fyrr. Mán. Mið og Fim. kl:17-18. Skólinn hentar bæði börnum sem hafa enga og nokkra reynslu. Námskeiðið kostar 4000.- (annað systkyn 2000.- þriðja systkyn og fleiri frítt) Námskeiðið er niðurgreitt af Velferðarsjóði barna. Skráning á netfangið skautar@gmail.com Allar nánari upplýsingar í s. 864-7415. Vanir þjálfarar sjá um námskeiðið.
Vonumst til þess að sjá sem flesta
Matseðill fyrir æfingabúðirnar
03.08.2009
Hér má sjá matseðilinn fyrir æfingabúðirnar. Fyrirtæki í bænum gefa börnunum mat í æfingabúðunum og þökkum við kærlega fyrir stuðninginn. Þau fyrirtæki sem styrkja búðirnar með mat eru: Strikið, Bautinn, Greifinn, Jón Sprettur, Norðlenska, Friðrik V, Hótel KEA, Vífilfell, Nettó og ísbúð Brynju. Takk fyrir stuðninginn!