Íslenska U20 landsliðið tapaði í dag fyrir Hollandi með fimm mörkum gegn einu.  Liðið vann góðan 5 - 2 sigur á Belgum í fyrsta leik en tapaði svo 7 - 1 fyrir heimamönnum, Eistum.  Leikurinn á móti Eistum var dálítið sérstakur því Ísland skoraði fyrsta markið en þar var á ferðinni Björn Róbert en þetta varð eina markið í fyrstu lotu.  Menn hafa því verði nokkuð brattir eftir 1.lotu en næstu tvær lotur fóru 4 - 0 og 3 - 0. 

Leikurinn í dag var ekki ósvipaður því fyrsta lota fór 1 - 1 en síðan unnu Hollendingar aðra lotu 1 - 0.  Staðan var því alveg ástættanleg í upphafi 3. lotu 2 - 1 en eitthvað klikkaði í síðustu lotu og lokastaðan 5 - 1. 

Öllum leikmönnum í  SA meistaraflokki, Old Boys, 2. og 3. flokki (verða að vera á 3. flokks aldri) er boðið að taka þátt í innanfélagsmóti 22. og 23. desember. Leiktímar verða milli 18.00 og 22.00 báða daganna. Leikmönnum verður skipt í jöfn lið en fjöldi liða og leikja veltur á þáttöku.

Allir sem vilja taka þátt verða að skrá sig með því að senda staðfestingar póst á joshgribben@hotmail.com ,nafn, netfang og símanúmer verður að fylgja.

Skráning fyrir 20. desember.

Josh Gribben

U20 ára landsliðið kom gríðarlega sterkt inn í HM í Eistlandi í dag í fyrsta leik sínum á mótinu gegn Belgíu.  Liðið gerði sér lítið fyrir og vann stórsigur, 5 – 2 og þetta ku vera fyrsti sigur Íslands á liði Belgíu frá upphafi.  Þetta gefur nýjar vonir um framhaldið og nú verður spennandi að sjá hvers þeir eru megnugir.  Mörkin og stoðsendingarnar í leiknum voru eftirfarandi:

Brynjar Bergmann 2/0
Tómas Tjörvi Ómarsson 1/1
Ólafur Hrafn Björnsson 1/0
Matthías Máni Sigurðarson 1/0
Gunnar Darri Sigurðsson 0/2

Í dag heldur U20 ára landslið Íslands utan til þáttöku á Heimstmeistaramóti Alþjóða Íshokkísambandsins í 2. deild sem fram fer í Tallin í Eistlandi.  Keppnin hefst á morgun þann 13. desember og stendur til 19. en óhætt er að segja að mótherjarnir séu ekki af verri endanum.   Deildin er óvenju sterk að þessu sinni en liðin sem strákarnir munu etja kappi við eru Belgía, Spánn, Frakkland, Holland auk Eistlands sem eru gestgjafar.

Það segir kannski eitthvað um framþróun íþróttarinnar hér á landi að við skulum vera komin í keppni með þessum liðum, en það er skemmst frá því að segja að Ísland hefur aldrei unnið leik gegn þessum þjóðum (yfirlýsing með fyrirvara). Frakkar t.a.m. hafa verið alveg uppi í úrvalsdeild og ætla sér því væntalega ekki að staldra lengi við í 2.deild.

Gaman að segja frá því að Urður Ylfa og Hrafnhildur Ósk voru valdar í landslið Ísland og munu þær fara út og keppa fyrir Íslands hönd. Urður fer á Isblomsten - mót í Kaupmannahöfn 28-30 janúar 2011 og Hrafnhildur fer á Coupe de Printemps í Luxemburg 1-3 apríl 2011. Óskum við þeim til hamingju og góðs gengis.

Nú stendur yfir seinni viðureign Valkyrja og SR þessa helgina og nú er um að ræða miklu jafnari viðureign en í gær.  Nú þegar 2. lota er hálfnuð er staðan enn 0 - 0 en þó eru Valkyrjur mun meira í sókn, en SR-konur verjast vel.  Töluverð barátta er í báðum liðum og leikurinn er skemmtilegur og miðað við lætin þá hlýtur að fara að draga til tíðinda.

MARK!  Díana Björgvinsdóttir kemur Valkyrjum yfir á 32:08 með aðstoð frá Hrund Thorlacius.... og svo annað mark...