Athugið!

Þeir iðkendur sem ætla ekki að æfa á vorönn vinsamlegast sendi póst með nafni og kennitölu iðkenda og greiðanda.

Á gjaldkera listhlaupadeildarinna didda@samvirkni.is

í síðasta lagi 15.des 

Víkingar náði í kvöld mikilvægum stigum af Birninum í Grafarvogi með góðum 8 - 3 sigri.  Víkingar náðu þar einnig að koma fram hefndum eftir grátlegt tap í framlenginu síðasta þriðjudag en það er greinilegt að bæði lið kunna vel við sig á útivelli.   Eitt af einkennum Bjarnarmanna er að byrja af miklum krafti og það gerðu þeir í kvöld og komust yfir strax á fyrstu sekúndum leiksins.

Víkingar létu það þó ekki á sig fá heldur snéru leiknum fljótt við og svöruðu með fjórum mörkum.  Staðan var því 4 - 1 eftir fyrstu lotu og þar var grunnurinn lagður að sigrinum.  Önnur lota var jafnari en hana unnu Víkingar engu að síður 2 - 1 og síðan þá þriðju með sömu markatölu, lokastaðan 8 - 3.

Skautataska er besta jólagjöf skautabarnsins. Enn á ég til skautatöskur sem eru með sér hólfi fyrir skautana, einlitar og munstraðar en munstruðu töskunum fer fækkandi,   mjúku skautahlífarnar sem eru nauðsinlegar á skautann í töskunum og svo mondor skauta buxurnar þessar svörtu sem koma niður fyrir skautann. Endilega hafið samband sem fyrst ef þið eruð að spá í eitthvað af þessu fyrir jólin því að ég þarf nokkra daga ef ég þarf að panta það sem vantar.

Allý, allyha@simnet.is / 8955804

Á morgun, þriðjudaginn 23. nóvember koma Bjarnarmenn í heimsókn og að þessu sinni munu þeir mæta Víkingum.  Bjarnarmenn hafa níðst á Jötnunum í vetur og hafa náð í öll sín stig úr þremur viðureignum við þá.  Nú er komið að því að þeir mæti stóra bróður og verða þeir ekki teknir neinum vettlingatökum.

Leikurinn hefst kl. 19:30 og gera má ráð fyrir hörku-viðureign enda mættust þessu lið í gríðarlega spennandi úrslitakeppni síðasta vor sem sællar minningar lauk með okkar sigri í fimmta leik í úrslitum.

Meðfylgjandi mynd tók Ási ljós í síðustu viðureign Jötna og Víkinga sem fram fór í síðustu viku.

Það bættust við tvenn verðlaun í flokkum 8C og 10C 

Pálína Höskuldsdóttir heiðursverðlaun dómara fyrir piróettur

Marta María Jóhannsdóttir heiðursverðlaun dómara fyrir vogir

Þökkum farastjórum fyrir frábært starf og einnig eiga þjálfarar hrós skilið fyrir sína vinnu

sem var til fyrimyndar.

Einnig er vert að hrósa stúlkunum okkar enn og aftur fyrir frábæra framgöngu í ferðinni.

Víkingar kláruðu seinni viðureign helgarinnar með sigri á gestunum úr Laugardalnum með 5 mörkum gegn 2.   Leikurinn var líkt og sá fyrri spennandi og einkenndist af mikilli baráttu.  Fyrsta lotan var markalaus en fyrsta mark leiksins leit dagsins ljós á fyrstu mínútu 2.lotu en þá skoraði Jóhann Leifsson eftir sendingu frá Jóni Gíslasyni.  Skömmu síðar jók svo varnarmaðurinn Ingólfur Elíasson muninn í 2 – 0 með sínu fyrsta marki í meistaraflokki.
Fleiri urðu mörkin ekki í lotunni og því voru Víkingar með ákjósanlega 2 – 0 stöðu fyrir þriðju og síðustu lotuna.  Það voru hins vegar þeir sunnlensku sem fóru betur af stað í síðustu lotunni og minnkuðu muninn í 1 – 2 strax á fyrstu mínútu og voru mjög ógnandi á meðan Víkingarnir voru værukærir.