SA U18 vann báða leiki sína gegn SR um helgina og tryggði sér þannig Íslandsmeistaratitilinn í U18. Leikirnir voru æsispennandi en unnust báðir að lokum með tveimur mörkum, 4-2 á föstudag og 5-3 á laugardag. SA liðið náði því 21 stigi en SR var í öðru sæti með 12 stig. Glæsilegur árangur hjá frábæru þessum flotta hópi. Við óskum þeim öllum til hamingju með Íslandsmeistaratitilinn.

Skautafélag Akureyrar og allar deildir innan þess fengu afhent viðurkenningarskjöl vegna endurnýjun fyrirmyndarfélags ÍSÍ á aðalfundi félagsins sem fór fram síðastliðinn miðvikudag. Formaður Skautafélagsins ásamt formönnum og fulltrúum deilda tóku á móti skjölunum á úr hendi Viðars Sigurjónssonar umsjónarmanni verkefnisins.

Skauta- og íshokkí leikjanámskeið SA fyrir 6-10 ára verður haldið daganna 9-18 júní. Frábært tækifæri fyrir bæði byrjendur sem og iðkenndur til þess að skemta sér í leikjum og fá skautakennslu í leiðinni.

SA tryggði sér Íslandsmeistaratitilinn í U16 um síðustu helgi. SA liðið vann alla 8 leiki sína á tímabilinu. Uni Steinn Sigurðarson fyrirliði SA var bæði stiga- og markahæsti leikmaður deildarkeppninnar en hann var með 22 mörk og 38 stig í 8 leikjum. Glæsilegur árangur hjá frábæru liði og við óskum þeim öllum til hamingju með Íslandsmeistaratitilinn og þennan flotta árangur.

Boðað er til aðalfundar Skautafélags Akureyrar miðvikudaginn 12. maí kl. 20.00 í fundarherbergi Skautahallarinnar. Venjuleg aðalfundarstörf skv. lögum félagsins.

Aðalfundur Listhlaupadeildar Skautafélags Akureyrar/LSA 2021 Verður haldinn þriðjudaginn 11. maí nk. kl. 20.00 í fundarherbergi skautahallarinnar.

Aðalfundur Hokkídeildar Skautafélags Akureyrar verður haldinn mánudaginn 10. maí kl. 20:00 í fundarherbergi Skautahallarinnar.

SA Víkingar unnu í gærkvöld Íslandsmeistaratitilinn í íshokkí í 22. sinn þegar liðið lagði Fjölni að velli í þriðja leik úrslitakeppni karla í íshokkí. Lokatölur leiksins 3-1 og SA Víkingar unnu úrslitakeppnina 3-0. Fullkomin endir á frábæru tímabili hjá SA Víkingum.

SA Víkingar taka á móti Fjölni á morgun í þriðja leik úrslitakeppni karla. SA Víkingar leiða einvígið 2-0 og geta með sigri tryggt sér Íslandsmeistaratitilinn. Leikurinn hefst kl. 19:30 en miðasala í hurð opnar kl. 18:45.

SA Víkingar sigruðu Fjölni 3-1 í öðrum leik úrslitakeppninnar í íshokkí í Egilshöll í gærkvöld og leiða einvígið um Íslandsmeistaratitilinn 2-0. SA Liðin mætast í þriðja sinn á morgun á heimavelli í Skautahöllinni á Akureyri og geta Víkingar tryggt sér Íslandsmeistaratitilinn 2021 með sigri.