Hvalreki fyrir Skautafélag Akureyrar

Búið er að ganga frá félagaskiptum fyrir fjóra unga leikmenn sem uppaldir eru í SA en snúa nú heim frá félagsliðum í Svþjóð og ætla að taka slaginn með Skautafélagi Akureyrar í vetur. Þetta eru Axel Orongan, Gunnar Aðalgeirsson, Unnar Hafberg Rúnarson og Berglind Leifsdóttir. Þetta er vissulega mikill hvalreki fyrir SA enda öll mjög efnilegir íshokkíleikmenn.

Sarah Smiley og Ingvar Þór Jónsson íshokkífólk SA árið 2020

Sarah Smiley og Ingvar Þór Jónsson hafa verið valin íshokkíkona og íshokkíkarl SA fyrir árið 2020.

Jólasýning LSA 2020

Jólasýning LSA fer fram sunnudaginn 20. desember kl 15. Sýningunni verður streymt frá rás SA TV.

Aldís Kara Bergsdóttir er skautakona ársins íSS árið 2020

Skautasamband Íslands hefur valið Aldísi Köru Bergsdóttur sem skautakonu ársins 2020. Aldís Kara æfir með Skautafélagi Akureyrar undir leiðsögn Darja Zajcenko. Þetta er í annað sinn sem hún hlýtur tilnefningu til skautakonu ársins, síðast árið 2019.

Sunna og Jóhann íshokkífólk ársins 2020 á Íslandi

Íshokkísamband Íslands hefur valið þau Sunnu Björgvinsdóttur og Jóhann Má Leifsson íshokkífólk ársins 2020 á Íslandi.

Æfingar yngri flokka hefjast á morgun 18. nóvember

Æfingar leik- og grunnskólabarna hefjast aftur í skautahöllinni á morgun, miðvikudaginn 18. nóvember. Það eru einhverjar breytingar á æfingatímum svo við hvetjum fólk til þess að fylgjast með upplýsingum um æfingartíma á sportabler. Svo minnum við foreldra á að það er enþá áhorfendabann og aðeins skal komið inn í skautahöllina í brýnustu nauðsyn. Við hlökkum til að sjá ykkur aftur á ísnum á morgun.

Allar æfingar falla niður frá miðnætti og til 17. nóvember

Samkvæmt nýjustu sóttvarnarráðstöfunum er allt íþróttastarf óheimilt frá miðnætti og til 17. nóvember. Skautahöllin verður því lokuð fyrir bæði æfingar og almenning næstu 2-3 vikurnar.

Frábær byrjun SA Víkinga í Hertz-deildinni

SA Víkingar hófu Hertz-deildina með látum á laugardag þegar þeir unnu 5-0 sigur á SR. Leikurinn var hraður og skemmtilegur þar sem fjölmörg tilþrif litu dagsins ljós. Heiðar Kristveigarson skoraði tvö marka SA, Jónhann Már Leifsson, Heiðar Jóhannsson og Hinrik Halldórsson skoruðu eitt mark hver.

Fyrsti leikur SA Víkinga í Hertz-deildinni á laugardag!

SA Víkingar hefja leik í Hertz-deildinni á laugardag þega liðið tekur á móti SR í Skautahöllinni á Akureyri kl. 19:45. Deildarmeistaralið SA Víkinga frá síðasta tímabili er lítið breytt en nýr þjálfari - Rúnar Freyr Rúnarsson sem flestir kannast við en sem einn skeinuhættasti leikmann síðustu áratuga í íslensku íshokkí. Rúnar var aðstoðarþjálfari liðsins með Sami á síðasta ári en tekur nú við sem aðalþjálfari.

Skautafélag Akureyrar Bikarmeistari 2020

Skautafélag Akureyrar fyrsti sigurvegari Bikarmótaraðar ÍSS