SA Víkingar taka á móti Esju í annað sinn í þessari viku laugardaginn 6. febrúar kl 17.30 í Skautahöllinni á Akureyri. SA Víkingar verma toppsætið en Esja getur jafnað SA að stigum með sigri. Síðasti leikur þessarar liða var gríðarlega spennandi og engin ástæða til þess að ætla annað en að þessi toppslagur verði hin besta skemmtun.

Nú er útboðsferlinu lokið á þeim framkvæmdum sem fyrirhugaðar eru í Skautahöllinni en samið verður við verktaka á næstu dögum. Það er því nánast öruggt að framkvæmdirnar muni hefjast eigi síður en 1. mars og starfsemi í húsinu verður því hætt í lok febrúar.

Það var mikil spenna þegar annað mótið í vetrarmótaröðinni fór fram síðastliðna helgi. Leikirnir voru sérlega skemmtilegir og spennandi að þessu sinni og keppendurnir voru sér og öðrum til sóma þar sem þeir sýndu auðmýkt og virðingu hvort sem þeirra lið unnu eða töpuðu. Hér að neðan má sjá úrslitin úr leikjunum:

Esja sigraði Víkinga í Hertz deildinni í gærkvöld en lokatölur urðu 4-3 Esju í vil. Esja náði þar með gríðarlega mikilvægum stigum á leið sinni að úrslitakeppninni en þurfa nú aðeins tvö stig til viðbótar til þess að tryggja sér sætið. Liðin mætast aftur á Akureyri næsta laugardag en Esja getur með sigri náð Víkingum að stigum í deildinni.

Ljósmyndararnir okkar þeir Sigurgeir Haraldsson og Elvar Pálsson eru duglegir að setja inn myndir frá leikjum á heimasíðuna en þær má alltaf finna hér vinstra megin í valmyndinni undir myndir. Hér eru myndirnar úr leiknum gegn SR frá Sigurgeiri og Hér eru myndirnar frá Elvari.

SA Víkingar mæta Esju í Hertz deildinni þriðjudaginn 2. febrúar kl 19.30 í Skautahöllinni á Akureyri. Um sannkallaðan toppslag er að ræða en liðin bítast nú um efsta sætið í deildinni en aðeins fjórar umferðir eru eftir af deildarkeppninni.

Það er hægt að skoða leiki gærdagsins á YouTube rásinni okkar !

Aðeins einn leikur var leikinn í Gimli mótinu 2016 sl. mánudag.

SA Víkingar lögðu SR nú fyrr í kvöld og tryggðu sér þar með farmiðann inn í úrslitakeppnina. Lokatölur leiksins voru 7-2 fyrir Víkingum en SR-ingar misstu með tapinu af möguleikanum á því að komast inn í úrslitakeppnina í ár. Hverjum Víkingar mæta í úrslitakeppninni á eftir að koma í ljós en Esja og Björninn berjast um sætið lausa.

SA Víkingar taka á móti SR-ingum í Hertz deildinni á morgun, laugardag kl 16.30 í Skautahöllinni á Akureyri. Víkingum vantar aðeins eitt stig til þess að tryggja sér sæti í úrslitakeppninni. Strax að loknum leik hefst leikur SA 3. flokks en þeir mæta einnig SR og geta með sigri farið langleiðina með að tryggja sér Íslandsmeistaratitilinn í 3. flokki.