Íslenska U-18 liðið í íshokkí mætir Spáni í dag á heimsmeistaramótinu í Valdemora á Spáni en leikurinn hefst kl 18.00. Leikurinn er í beinni útsendingu á netinu en slóðina má finna hér.

SA sigraði í öllum leikjum sínum í þriðja og síðasta helgarmóti Íslandsmótsins í 4. flokki um helgina og tryggði sér þar með Íslandsmeistaratitilinn. Liðið sigraði 10 leiki af 12 í Íslandsmótinu í vetur og alla 4 leiki sína í bikarmótinu.

Nú er búið að opna fyrir skráningu á árshátíðina 2016. Allar deildir Skautafélagsins halda sameiginlega Árs- og uppskeruhátíð miðvikudaginn 23. mars (daginn fyrir skírdag) í Golfskálanum. Tímabilið í ár var stutt en árangurinn frábær og líklega sá besti í sögu félagsins. Það er því miklu að fagna og gaman að koma saman og rifja upp tímabilið sem er að baki og líta björtum augum til framtíðar.

SA stelpurnar héldu uppteknum hætti á Vetrarmóti ÍSS og sigruðu í öllm þeim flokkum sem við áttum keppendur í, auk þess sem stelpurnar settu fjölmörg persónulegmet, hópamet og Íslandsmet féll.

Um næstu helgi fer fram Vetrarmót ÍSS í Egilshöll í Reykjavík. Til að undirbúa sig fyrir mótið munu A og B keppendur LSA stunda æfingar í SR höllinni í Laugardalnum næstu vikuna.

10 stúlkur ásamt foreldrahóp lögðu af stað til Búdapest á miðvikudaginn síðasta til að taka þátt í Sportland Trophy. Rebekka Rós gerði sér lítið fyrir og sigraði sinn flokk Basic Novice A III og Ísold Fönn hafnaði í 2 sæti í Cubs II. Allar stóðu stelpurnar sig mjög vel.

Kvennalandslið Íslands í íshokkí vann til bronsverðlauna á Heimsmeistaramótinu á Spáni í gær. Íslenska liðið jafnaði þar með besta árangur sinn til þessa á heimsmeistaramóti. Liðið sigraði í þremur leikjum af fimm en tapaði tveimur með minnsta mögulega mun en báðir tapleikirnir enduðu 2-3.

Kvennalandslið Íslands í íshokkí vann í dag 2-0 sigur á Mexíkó og er þar með búið að tryggja sér verðlaunasæti á heimsmeistaramótinu á Spáni. Ísland hefur unnið þrjá leiki á mótinu en tapað einum. Íslenska liðið mætir því Ástralska á morgun kl 15.30 en þá ræðst hvaða litur verður á verðlaunapeningi liðsins. Áfram Ísland!

Íslenska kvennalandsliðið sigraði Tyrkland örugglega í fyrsta leik sínum á heimsmeistaramótinu á Spáni. Sunna Björgvinsdóttir skoraði sitt fyrsta landsliðsmark en Birna Baldursdóttir, Guðrún Marín Viðarsdóttir og Díana Björgvinsdóttir skoruðu einnig í leiknum. Ísland mætir Nýja Sjálandi kl 15.30 í dag og leikurinn er sýndur beint hér.

Kvennalandslið Íslands hefur keppni á heimsmeistaramótinu í II deild B í dag en keppnin fer fram í Jaca á Spáni. Liðin sem eru í riðlinum auk Íslands eru: Ástralía, Belgía, Spánn, Mexíkó, Nýja-Sjáland og Tyrkland.