SA Víkingar taka á móti SR-ingum í Hertz deildinni á morgun, laugardag kl 16.30 í Skautahöllinni á Akureyri. Víkingum vantar aðeins eitt stig til þess að tryggja sér sæti í úrslitakeppninni. Strax að loknum leik hefst leikur SA 3. flokks en þeir mæta einnig SR og geta með sigri farið langleiðina með að tryggja sér Íslandsmeistaratitilinn í 3. flokki.

Þá er Reykjavíkurleikunum í Listhlaupi lokið og stóðu stelpurnar okkar sig mjög vel.

U-20 ára lið Íslands sem keppir í 3. deild varð að gera sér fimmta sætið að góðu eftir að hafa tapað naumlega gegn Nýja-Sjálandi í leiknum um bronsið í gærkvöld. Mexíkó vann riðilinn á heimavelli og fara upp um deild en Búlgaría náði öðru sætinu og Nýja-Sjáland því þriðja.

Kjöri íþróttamanns Akureyrar var lýst í Menningarhúsinu Hofi síðastliðin miðvikudag. Íþróttamaður Skautafélags Akureyrar árið 2015, Emilía Rós Ómarsdóttir, varð fimmta í kjörinu. Skautafélagið á tæpan þriðjung landsliðsfólks akureyrskra íþróttafélaga og rúman þriðjung Íslandsmeistara.

Nýkrýndir deildarmeistarar, Ásynjur sigruðu Björninn í gærkvöld í Egilshöllinni 4-1. Mörk Ásynja skoruðu Thelma Guðmundsdóttir (2), Birna Baldursdóttir og Jónína Guðbjartsdóttir. Þetta var síðasti leikur milli þessara liða í deildinni áður en þau mætast í úrslitaeinvígi sem hefst 15. febrúar.

Narfi frá Hrísey vann öruggan sigur á hinu árlega Magga Finns móti sem haldið var í Skautahöllinni um helgina. Mikið fjör var á lokahófinu sem haldið var í mótslok í pakkhúsinu en lið og leikmenn voru þar heiðraðir fyrir afrek helgarinnar. Hér að neðan eru helstu afrek helgarinnar og myndir frá Sigurgeiri Haraldssyni má finna HÉR.

Marta María Jóhannsdóttir stendur efst með 30,76 stig eftir stutta prógrammið á fyrsta keppnisdegi Reykjavíkurleikanna í listhlaupi á skautum.

Rebekka Rós hefur lokið keppni á Skate Helena í Serbíu og hafnaði hún í 4. sæti.

Ísold Fönn náði í silfrið í sínum flokki á Skate Helena í Serbíu í dag.

Í kvöld og um helgina fer fram Minningarmótið um Magnús E. Finnson, eða Magga Finns mótið eins og það er jafnan kallað en þetta er heldrimanna mót sem spilað er árlega hér á Akureyri. Þrír leikir fara fram í kvöld milli liðanna sem æfa hjá Skautafélaginu en svo verður leikið aftur á föstudagskvöld og laugardag þegar sunnan liðin verða komin í bæinn. Dagskránn má finna hér að neðan og hér á jpg.