Ómar fór á kostum í markinu. Ljósm. Sigurgeir Haraldsson

Yfirburðir á heimavelli

17.01.2010
Í gærkvöldi spilaði Skautafélag Akureyrar sinn besta leik í vetur þegar SR-ingar voru kjöldregnir í 6 - 0 viðureign í Skautahöllinni á Akureyri.  Gengi liðsins hefur verið upp og ofan sem af er vetri og frammistaðan á heimavelli hefur hingað til ekki verið upp á marga fiska.  Árið 2010 fór þó vel af stað og þessi sigur í gær er vonandi til marks um það sem koma skal.  Liðinu tókst nú í fyrsta skiptið í vetur að loka algerlega á öfluga sóknarmenn þeirra SR-inga og koma veg fyrir stungusendingar og kirsuberjatíningar á fjær bláu sem hefur verið einkennismerki þeirra síðustu misseri.

Mfl. SA -SR 6 - 0

16.01.2010

Leik meistaraflokkanna var að ljúka með sigri SA með 6 mörkum gegn 0.  3.fl.leiknum lauk með sigri SR í vítakeppni 4 - 5, jafnt var eftir venjulegan leiktíma 4 - 4.  Meira seinna.

MONDOR skautabuxur

15.01.2010

Ég á ennþá til mondor skautabuxur, einar  í x- small,  einar í small, einar í medium og einar í x - large. Ef ykkur vantar buxur þá endileg hafið samband.

Allý, allyha@simnet.is / 8955804

Fyrsti heimaleikur ársins á laugardaginn 16. janúar kl. 17,30

Fyrsti heimaleikur ársins á laugardaginn 16. janúar kl. 17,30

14.01.2010
Á laugardaginn næsta kl. 17,30 mun Meistaraflokkur SA spila sinn fyrsta leik á árinu og spilar gegn SRingum sem töpuðu sínum fyrsta leik ársins síðastliðinn þriðjudag fyrir Birninum. Staðan fyrir leikinn er, SR 11 leikir 19 stig, SA 10 leikir 17 stig, Björninn 11 leikir 12 stig. Með sigrum sínum í síðustu 3 leikjum hafa Bjarnarmenn stimplað sig inn í slaginn um úrslitakeppnina og opnað stöðuna svo að nú verða liðin að fara að gefa allt í leikina til að tryggja sig inn í lokaslaginn.
Helga Jóhannsdóttir, nýkjörin skautakona ársins 2009 hjá LSA keppir á RIG

RIG um helgina

14.01.2010

Listhlaupadeild SA á 11 keppendur á Reykjavík International (RIG) sem fram fer um helgina, þar keppir meðal annarra Helga Jóhannsdóttir nýkjörin skautakona ársins 2009 hjá LSA, en hún keppir í flokki Novice A. Nánari upplýsingar um mótið má finna á heimasíðunni www.rig.is Þá má fylgjast með úrslitum mótsins hér http://skautafelag.is/list/gogn/RIG2010/Urslit/index.htm.

Óskum okkar keppendum góðs gengis og góðrar skemmtunar.

Flottur hópur

U20: Markmiðinu náð, en ekki gullinu.

10.01.2010
Rétt í þessu var að ljúka úrslitaleiknum á HM í Tyrklandi þar sem Ísland tapaði fyrir Ástralíu 1 - 3.  Í gær unnu okkar menn þó mikilvægasta sigurinn á Nýja Sjálandi því með þeim sigri tryggði liðið sér farseðilinn uppúr 3. deildinni og munu því spila í 2. deild að ári.  Þrátt fyrir að því takmarki hafi verið náð í gær var leikurinn í dag mikilvægur því stefnan er alltaf sett á sigur.  Ástralía er enn aðeins sterkari en við og enn ætlar að verða einhver bið á því að við náum að landa sigri á móti þessum andfætlingum okkar - en biðin styttist.
Hart barist í teignum: Ljósm. Ásgrímur Ágústsson

Góður baráttusigur hjá SA konum

09.01.2010
Í kvöld tryggði SA sér fyrsta sigurinn í vetur gegn Birninum í kvennaflokki, í æsispennandi viðureign þar sem úrslitin réðust ekki fyrr enn á síðustu sekúndunni, í orðsins fyllst merkingu. Nokkuð jafnræði var með liðunum en Björninn var þó alltaf skrefinu á undan. Fyrsta mark leiksins leit dagsins ljós á 16. mínútu þegar Hanna Heimisdóttir opnaði markareikninginn fyrir Björninn eftir varnarmistök SA.
Ljósm. Sigurgeir Haraldsson.

Stórleikur í höllinni á laugardaginn

07.01.2010
Á laugardaginn verður stórleikur í höllinni þegar eldra kvennalið SA tekur á móti Birninum.  Björninn hefur verið með sterkasta liðið í vetur en á meðan tvískipting SA liðsins vetur veikti liðið/liðin í upphafi hafa þau jafnt og þétt verið að styrkjast og nú ætla SA konur sér ekkert annað en sigur.
Þjóðsöngurinn hljómar

U20 komið í úrslit

07.01.2010
Íslenska landsliðið vann N-Kóreu í gær með 6 mörkum gegn 3 og dag voru heimamenn lagðir að velli 8 - 2.  Það þýðir að liðið er komið í úrslit og spilar næst á móti Nýja Sjálandi á laugardaginn.  Með sigri tryggir liðið sér hreinan úrslitaleik á móti Ástralíu um gullið á sunnudaginn og það er næsta víst að það verður hörkuleikur.  Áfram Ísland!

ÖSKUDAGUR GAMAN GAMAN GAMAN

07.01.2010

HALLó HALLÓ allir skautarar í A, B, C og S- hóp og FORELDRAR.  Nú er komið að öskudagsnammi sölu hjá deildinni okkar og þá vantar okkur ykkar hjálp til að fara í fyrirtækin í bænum og bjóða þeim pokana okkar. Við kvetjum ykkur til að koma í skautahöllina á sunnudaginn milli kl. 12 - 13  og sækja pöntunar miða og fara af stað helst á mánudaginn, salan þarf að klárast í næstu viku og pökkunin að byrja í þar næstu viku. 

EF þið ekki komist á þessum tíma en getið farið í þetta í næstu viku þá endilega hafið  samband við okkur.

Kristín - 6935120 og Allý - 8955804

185 186 187 188 189 190 191 192 193 194