SA Víkingar taka á móti Esju þriðjudaginn 15. nóvember kl. 19.30 í Skautahöllinni á Akureyri. Síðasti leikur liðanna fór í vítakeppni þar sem Esja hafði betur. SA Víkingar eru í þriðja sæti deildarinnar með 8 stig en Esja er í fyrsta sæti með 17 sig. Mætið í höllina og styðjið okkar menn, aðgangseyrir er 1000 kr. en frítt inn fyrir 16 ára og yngri.

SA Víkingar tóku öll þrjú stigin í gærkvöld þegar þeir tóku á móti SR í Skautahöllinni á Akureyri en lokatölur voru 2-1. Fyrirfram var vitað að stigin væru gríðarlega mikilvæg fyrir bæði lið þar sem tækifæri gafst til þess að stytta bilið í toppliðin Esju og Björninn en hinsvegar myndi tap þýða að róðurinn yrði erfiður. Leikurinn einkenndist nokkuð af þessu þar sem varnarleikur barátta var í fyrirrúmi.

SA Víkingar mæta SR í Hertz-deild karla annað kvöld kl 19.30 í Skautahöllinni á Akureyri. Víkingar unnu síðustu viðureign liðanna 10-0 svo SR á harm að hefna en liðið situr í neðsta sæti deildarinnar. SA Víkingar eru í þriðja sæti og þurfa virkilega á stigunum að halda en stigasöfnunin hefur gengið brösulega í byrjun tímabils. Komið og styðjið okkar lið til sigurs. Aðgangseyrir 1000 kr. frítt inn fyrir 16 ára og yngri.

Þá er seinni degi bikarmóts ÍSS lokið. Velgengni stelpnanna okkar hélt áfram í dag og eignuðumst við 3 bikarmeistara til viðbótar, auk silfur og brons verðlauna. Jafnframt reyndu þær Marta María og Ísold Fönn við tvöfaldan Axel í prógrömmunum sínum og verður gaman að sjá þá slípast til hjá þeim á komandi mótum.

Þriðja leikdegi lauk sl. mánudag

Þá er góðum keppnisdegi á Bikarmóti ÍSS lokið. Stelpurnar okkar stóðu sig mjög vel og eignuðumst við þrjá bikarmeistara í 8, 10 og 12 ára og yngri auk þess að það skiluðu sér tvenn silfurverðlaun og ein brons verðlaun í hús. Auk þess sem stelpunum okkar í stúlknaflokki og unglingaflokki gekk glimrandi vel í stutta prógramminu í dag.

Bikarmótið í listhlaupi verður haldið hér fyrir norðan helgina 28. - 30. október. Það eru 20 keppendur frá okkur skráðir til leiks í A og B keppnisflokkum af 74 keppendum alls.

SA Víkingar mættu Esju á laugardag í Hertz-deild karla og endaði leikurinn með sigri Esju í vítakeppni en staðan að loknum venjulegum leiktíma var 4-4. Esja styrkti þar með stöðu sína á toppnum í deildinni en SA Víkingar misstu dýrmæt stig og eru enn í þriðja sæti deildarinnar með 5 stig að loknum 6 leikjum.

Um helgina fer fram Stóra Barnamótið í íshokkí hér í Skautahöllinni á Akureyri. Athugið að lokað verður fyrir almenning á laugardag vegna mótsins. Keppt er í 5, 6 og 7. flokki en leikið verður á laugardag frá kl 8.00 til 19.05 og á sunnudag frá kl 8.00-12.45. Hér má sjá dagskrá mótsins.

Aðalfundur foreldrafélags listhlaupadeildar verður haldinn í fundarherbergi skautahallarinnar sunnudaginn 23.10 og hefst hann klukkan 19:30