Þrátt fyrir leiðinlegt veður var mæting á laugardaginn nánast fullkomin þegar fram fór síðasta innanfélags mót haustsins í 4/5 flk. deild. Í bronsleiknum sigruðu Appelsínugulir Græna 7-3 og um gullið spiluðu Rauðir og Svartir sem endaði með 8-4 sigri Rauðra.

Vegna tilkynningar frá Almannavörnum Ríkisins þar sem fólk er beðið að vera ekki á ferðinni eftir kl. 17:00 í dag höfum við ákveðið að loka Skautahöllinni líkt og öðrum íþróttamannvirkjum Akureyrarbæjar frá og með kl. 16:00.

Í vikunni sem leið var undirritaður nýr samstarfssamningur milli SA og Landsbankans sem gildir til tveggja ára. Landsbankinn verður einn af aðalstyrktaðilum félagsins og hefur fengið merki sitt í ísinn framan við stúkuna.

Greiðsluseðlar félagsgjalda fyrir árið 2016 eru nú komnir í heimabanka félagsmanna þar sem hægt er að finna þá í valgreiðslukröfum. Félagsgjaldið er kr. 2.000 en við vonumst til þess að þú kæri félagsmaður greiðir félagsgjaldið sem birtist á heimabanka þínum og leggir okkur lið við uppbyggingu félagsins. Ef þú ert ekki félagsmaður í dag en vilt fá greiðsluseðilinn þarft þú aðeins að senda póst á skautahollin@sasport.is og sækja um aðild.

Það má með sanni segja að SA stelpurnar hafi staðið sig vel á ný liðnu Íslandsmóti ÍSS, átta gullverðlaun, þrenn silfurverlaun og eitt bronz. Tilþrifin voru glæsileg og allar stúlkurnar okkar voru félaginu til sóma.

Það var margt um að vera hjá SA liðunum um helgina þar sem Bautamótið í 4. flokki fór fram á Akureyri en Ynjur og 2. flokkur ferðuðust til Reykjavíkur þar sem þau mættu Birninum í Egilshöll.

Bautamótið í 4. flokki fer fram í Skautahöllinni á Akureyri um helgina. Mótið er ekki hluti af Íslandsmóti heldur einstakt bikarmót. Leikið er á laugardag frá kl 17.20 og svo hefst seinni umferðin á sunnudagsmorgun kl 8.00 og mótið klárast svo með verðlaunaafhendingu og pizzuveislu um kl 12.00 á sunnudag. Hér má finna dagskrá mótsins og fyrirkomulag.

SA Víkingar fóru í víking í gærkvöld í Bjarnargryfjuna í Egilshöll og stálu tvemur stigum af þremur mögulegum með sigri í framlengingu í kaflaskiptum leik, lokatölur 4-3. SA Víkingar styrktu þar með stöðu sínu á toppi deildarinnar en Esja tapaði á sama tíma fyrir SR í Laugardal 8-5.

Nú eru komnar myndir úr síðustu heimaleikjum SA Víkinga á heimasíðuna. Myndirnar gegn Esju eru frá Sigurgeiri Haraldssyni og má sjá hér en myndirnar gegn Birninum teknar af Elvari Pálssyni má finna hér.

SA Víkingar unnu góðann 4-2 sigur á toppliði Esju í gærkvöld og náðu því efsta sæti deildarinnar í fyrsta sinn í vetur. SA Víkingar eru nú komnir með 4 sigurleiki í röð og virðast vera komnir á ágætis skrið en deildin er hinsvegar mun jafnari en stigataflan gefur til kynna.