Vegna barna í 5. flokki (græna hópnum)!

Það verður breyting á æfingatímum hjá græna hópnum til frambúðar frá og með laugardeginum 12. mars 2005.

Nýju æfingatímarnir eru:

Miðvikudagar frá 5-6 og laugardagar frá 12-13.

Við vonum að allir verði ánægðari með þetta fyrirkomulag

Kv. Þjálfarar og stjórn.

Jæja, þá er síðast dagur mótsins liðinn og allir hafa skilað sér heim eftir viðburðaríka og skemmtilega helgi. Sunnudagurinn hófst hjá 6. og 7.flokki kl. 8.35 með leikjum við björninn þar sem báðir töpuðust, 6. naumlega eftir góðan leik þar sem báðir aðilar lögðu bæði hjarta og sál í leikinn og 7. stærra. Síðan var röllt heim á gistiheimili þar sem keppendur fengu hressingu eftir átökin en þar voru þá fyrir 5.flokkur að borða morgunmatinn og gera sig klára fyrir sinn síðasta leik við björninn kl. 11.05 Sá leikur VANNST og var hraður og mjög skemmtilegur á að horfa fyrir utan nokkur atvik þar sem ákafinn og keppnisskapið bar menn heldur af leið og því miður þurfti að styðja nokkra af velli, en allt jafnaði þetta sig þó fljótt fyrir utan að leikmaður nr.6 Daníel Baldursson í liði SA lenti upp á slysadeild með brákaða hendi. Eftir að björninn b og SR c höfðu svo lokið síðasta leik mótsins var verðlaunaafhending á svellinu þar sem allir fengu medalíu og einnig voru veitt verðlaun fyrir bestu umgengni í búningsklefum og þá viðukenningu hlutu..........JÁ AUÐVITAÐ SA !!!! Eftir ahendinguna var svo pissuveisla fyrir allan hópinn á áhorfendapöllunum. SRingar fá bestu þakkir fyrir gott skipulag og móttökur og allir þáttakendur fyrir skemmtilegt mót. Eftir mótslok kom rúta að sækja farangur og fólk og leiðin lá uppá gistiheimili þar sem allir hjálpuðust að við að bera töskur og dót út í rútu og síðan léku þjálfarar við krakkana á meðan gengið var frá og svo var lagt af stað þegar klukkan var langt gengin í tvö. Við stoppuðum svo í Staðarskála þar sem allir fengu hamborgara, kók OG FIMMHUNDRUÐKALL til eigin ráðstöfunar. Auðvitað urðu flestir fimmhundruðkallarnir eftir í sjoppunni og var svo haldið áfram og lent við Skautahöllina rétt fyrir kl. átta þar sem foreldrar og aðrir biðu eftir hópnum. Foreldrafélagið undir forystu Dýrleifar sá um allan undirbúning og skipulag ferðarinnar og kunnum við þeim bestu þakkir fyrir sem og þjálfurm og fararstjórum. OG KRAKKAR þið stóðuð ykkur vel og takk fyrir góða framkomu og skemmtilega helgi.

Frétt þessi er tekinn af vef bjarnarins, bjorninn.com

Fréttir af Skautadeild Sindra, Hornafirði:

Tveir stjórnarfundir voru haldnir í Skautadeildinni á síðasta starfsári og einkenndist starfsemin af miklum ungmennafélagsanda . Sindri Ragnarsson og Ari Þorsteinsson sáu um að æfa félaga deildarinnar í götu hokkí með aðstöðu í íþróttahúsinu. Kjarninn af félagsmönnum samanstóð af 18 ? 20 krökkum. Snædís Bjarnadóttir sá um að þjálfa félagsmenn síðastliðið sumar utandyra og var það mikill hvalreki fyrir deildina. Ekki reyndust malbikuðu plön bæjarins nógu vel til útiæfinga þannig að þau fluttu sig aftur inn í íþróttahúsið eftir humarhátíð, ákveðið áhyggjuefni er fyrir deildina að verið er að leggja nýtt gólfefni á íþróttahúsið þannig að væntanlega og eðlilega verða hjólaskautarnir ekki leyfðir á því. Ekki hefur tekist að fá þjálfara til að æfa félagsmenn í haust þannig að skauta íþróttin hefur verið í ákveðnu lágmarki. Skautadeildin auglýsir eftir áhugasömum aðila sem er tilbúinn að vinna með og þjálfa deildina. Góðu fréttirnar eru samt þær að óvenju kalt hefur verið í vetur þannig að töluverðar, almennar og þjálfaralausar skautaæfingar hafa átt sér stað úti í guðsgrænni náttúrunni.

Það er mikilvægt þegar menn eru að stunda skautaíþróttina úti í náttúrunni að eiga slípivél og hafa aðgang að aðila sem tekur að sér að slípa skauta. Ef einhver skautafélög í landinu eiga slípivél sem þau eru búinn að leggja og væri hægt að fá fyrir lítið væri það vel þegið og eins auglýsir skautadeildin eftir aðila sem er tilbúinn að taka að sér skautaslípun í Hornafirði.

Það er gaman að segja frá því að þjálfari og félagi í Skautadeild Sindra, Snædís Bjarnadóttir er komin í Íslenska Landsliðið í íshokkí og er á förum til að keppa fyrir hönd þjóðarinnar. Við í Skautadeildinni erum ákaflega stolt af henni og óskum henni og íslenska landsliðinu góðs gengis.Ég vil Þakka þeim Sindra Ragnarssyni og Snædísi Bjarnadóttur fyrir framlag þeirra til skautaíþróttarinnar hér í Hornafirði.

Fyrir hönd Skautadeildar Sindra

Ari Þ. Þorsteinsson