Akureyrarmótið: Lokaumferð
18.10.2010
Í kvöld, mánudagskvöldið 18. október, fer fram fimmta og síðasta umferð Akureyrarmótsins.
Karfan er tóm.
Tölfræði seinni leiks Jötna og SR
17.10.2010
Jötnarnir áttu ekki létta helgi þar sem þeir spiluðu án fjögura lykilmanna þ.e. Josh og Ingvars sem eru meiddir og Hilmars og Jóa sem hvorugur var á landinu þessa helgina. En maður kemur í manns stað og skörðin fylltu minna reyndir menn úr þriðja flokki og uppúr þannig að segja má að niðurstaða helgarinnar sé bara nokkuð góð fyrir þriggja línu lið Jötnanna gegn fullskipuðu fjögra línu liði SRinga sem áttu harma að hefna eftir tap fyrir sunnan í fyrsta leik þessara liða.
Ynjur - Björninn spennandi leikur frá upphafi til enda (O:
17.10.2010
Kvennaleikur gærdagsins á milli Ynjanna og Bjarnarins var eins og hokkíleikir gerast bestir og þarna náðu Ynjur að stíga uppúr stóru tapi síðasta leiks og létu finna vel fyrir sér og gáfust aldrei upp í þessum baráttu leik þar sem var jafnt eftir venjulegan leiktíma 2-2, jafnt eftir 10 mín. markalausa framlengingu og úrslit réðust ekki fyrr en síðustu vítaskotunum.
Lotur (0-2)-(2-0)-(0-0), Framlenging (0-0), Vítakeppni (0-1)
Mörk og stoðsendingar Ynjur, Kristín Björk Jónsdóttir 1/0, Hrund Thorlacíus 1/0, refsimínútur 2
Mörk og stoðsendingar Björninn, Sigríður Finnbogadóttir 1/0, Steinunn Sigurgeirsdóttir 1/0, Sigríður Finnbogadóttir 1/0 (vítaskot), Sigrún Sigmarsdóttir 0/1, Refsimínútur 2
Jötnar - SR, seinni leikur 2 - 8
17.10.2010
SRingar lögðu Jötna í seinni leik helgarinnar með 8 mörkum gegn 2. Nánar síðar.
Spennandi leik Ynjanna og Bjarnarins var að ljúka
16.10.2010
Rétt í þessu lauk kvennaleiknum þar sem Ynjurnar gerðu sér lítið fyrir og stálu einu stigi af Bjarnarkonum í leik, framlengingu og vítakeppni þar sem úrslit réðust í síðustu skotunum. Meira síðar.
Jötnar - SR 3 - 6
16.10.2010
SRingar náðu að snúa við niðurstöðu síðustu viðureignar og sigruðu 3 - 6 í fyrri leik liðanna þessa helgi.
Litið um öxl: Ótrúlegt safn krullusteina og minjagripa
15.10.2010
Skotinn David B. Smith á "að minnsta kosti 300 steina, síðast þegar talið var".
Hokkíveisla í Skautahöllinni um helgina.
14.10.2010
Klukkan 22,00 í kvöld þann 15. hefst partíið með leik í meistaraflokki karla á milli SA-Jötna og SR. Síðasta leik þessara liða lauk með sigri Jötna svo víst er að SRingar hyggjast hefna harma sinna og hart verður barist. Á laugardeginum kl. 17,00 er svo leikur í meistaraflokki kvenna, og þar eigast við SA-Ynjur og Björninn. Ynjur lutu í Ís fyrir Bjarnarstúlkum, eins og sagt er, síðast þegar liðin mættust en hyggja hærra nú svo lofa má góðri skemmtan. Strax að loknum kvennaleiknum eigast við í seinni leik helgarinnar Jötnar og SR. Sem sagt hörku skemmtun í Höllinni um helgina og nú mega engir láta sig vanta í stuðningsliðin eða spara röddina í hvatningar hrópin. ÁFRAM SA ...........
Akureyrarmótið: Riddarar héldu lífi í titilvoninni
14.10.2010
Riddarar sigruðu Mammúta í kvöld. Næstum hreinn úrslitaleikur verður á milli Riddara og Fífanna í lokaumferðinni.