Þar sem allmargir iðkendur í listhlaupi eru á leið suður til keppni á föstudag ásamt þjálfurum hafa Listhlaupadeild og Hokkídeild komið sér saman um að skipta á dögum, auk þess sem æfingum í listhlaupi fækkar um helgina.

Kjöri íþróttamanns Akureyrar var lýst í Menningarhúsinu Hofi í dag. Okkar maður, Ingvar Þór Jónsson, varð þriðji í kjörinu. Skautafélagið á um þriðjung landsliðsfólks akureyrskra íþróttafélaga og um helming Íslandsmeistara.

Íþróttabandalag Akureyrar og Íþróttaráð Akureyrar bjóða bæjarbúum til verðlaunahófs í Hofi miðvikudaginn 22. janúar. Hápunktur hátíðarinnar er þegar kunngjört verður val á íþróttamanni Akureyrar 2013. Jafnframt verða afhentar heiðursviðurkenningar íþróttaráðs og viðurkenningar og/eða styrkir til þeirra íþróttafélaga sem áttu Íslandsmeistara og/eða landsliðsfólk á árinu 2013.

Stjórn Skautafélags Akureyrar hefur valið Ingvar Þór Jónsson íþróttamann félagsins árið 2013. Ingvar verður því einn af þeim sautján sem til greina koma við val á íþróttamanni Akureyrar. Afhending viðurkenninga til íþróttamanns SA og íþróttamanna deildanna verður auglýst síðar.

Ekki er lengur frítt fyrir iðkendur innan félagsins í almenningstíma á virkum dögum. Á móti lækkar verð á 10 tíma korti fyrir iðkendur.

Stjórn Minningarsjóðs Magnúsar Einars Finnssonar auglýsir eftir umsóknum um styrki. Umsóknarfrestur er til 10. janúar 2014.

Skautatöskurnar og buxurnar renna út en enn á ég til nokkrar töskur og fáar buxur svo að það er betra að vera snöggur ef þið ætlið að setja þetta í jólapakkann. Fyrstur kemur fyrstur fær. Allý- allyhalla59@gmail.com - 8955804

Framundan eru jól (ef þú skyldir ekki hafa frétt af því) og þar með breytingar á almenningstímum og æfingatímum deildanna. Yngstu hokkíiðkendurnir eru komnir í jólafrí, en æfingar hefjast aftur skv. venjubundinni töflu helgina 4.-5. janúar.

Hrúga óskilamuna stækkar hratt. Hefur þú athugað hvort þú átt ef til vill verðmæti í hrúgunni? Við breiðum úr hrúgunni um helgina, en eftir áramótin verður farið með ósóttan fatnað í Rauða krossinn.

Á laugardaginn 14 des. mili kl. 12 - 13 verð ég í skautahöllinni með töskur og buxur til sýnis og sölu. Töskurnar kosta 9000 kr. munstraðar og 8000 kr. einlitar. Töskurnar eru með sér hólfi fyrir skautana og stóru hólfi fyrir hjálminn og æfingarfötin. Einnig er hægt að hafa samband á allyhalla59@gmai.com - 8955804 Er ekki með posa.