Jötnar - SR, seinni leikur 2 - 8
17.10.2010
SRingar lögðu Jötna í seinni leik helgarinnar með 8 mörkum gegn 2. Nánar síðar.
Karfan er tóm.
Spennandi leik Ynjanna og Bjarnarins var að ljúka
16.10.2010
Rétt í þessu lauk kvennaleiknum þar sem Ynjurnar gerðu sér lítið fyrir og stálu einu stigi af Bjarnarkonum í leik, framlengingu og vítakeppni þar sem úrslit réðust í síðustu skotunum. Meira síðar.
Jötnar - SR 3 - 6
16.10.2010
SRingar náðu að snúa við niðurstöðu síðustu viðureignar og sigruðu 3 - 6 í fyrri leik liðanna þessa helgi.
Hokkíveisla í Skautahöllinni um helgina.
14.10.2010
Klukkan 22,00 í kvöld þann 15. hefst partíið með leik í meistaraflokki karla á milli SA-Jötna og SR. Síðasta leik þessara liða lauk með sigri Jötna svo víst er að SRingar hyggjast hefna harma sinna og hart verður barist. Á laugardeginum kl. 17,00 er svo leikur í meistaraflokki kvenna, og þar eigast við SA-Ynjur og Björninn. Ynjur lutu í Ís fyrir Bjarnarstúlkum, eins og sagt er, síðast þegar liðin mættust en hyggja hærra nú svo lofa má góðri skemmtan. Strax að loknum kvennaleiknum eigast við í seinni leik helgarinnar Jötnar og SR. Sem sagt hörku skemmtun í Höllinni um helgina og nú mega engir láta sig vanta í stuðningsliðin eða spara röddina í hvatningar hrópin. ÁFRAM SA ...........
Æfingartími breytist tímabundið hjá A og C hópum
13.10.2010
Æfingar C-hópa samkvæmt tímatöflu nema næstu tvo laugardaga 16 og 23 okt mætir C2 kl:10.40 og C1 kl: 11.00. Næsta þrijudag 19 okt er morgunæfing hjá C1 og C2 kl: 06.15-07.30.
Breytingarnar hjá A hóp er:
Fimmtudagana 14 og 21 okt ís kl: 15.10-16.00, afís 16:10-17.30
Laugardagana 16 og 23 okt 10.00-11.05 afís (varanleg breyting í tímatöflu)
Sunnudagana 17 og 24 okt 17.15-18.55 ís
Þriðjudaga 16.00-17.30 afís, Laugargata (varanleg breyting)
Valkyrjur unnu með 7 mörkum gegn 6 Ynjanna.
12.10.2010
Mörk og stoð Valkyrjur, Hrund Thorlacíus 2/2, Sarah Smiley 2/0, Guðrún Arngímsd. 2/0, Linda Brá Sveinsd. 1/, Guðrún Blöndal 0/1
Refsimínútur, 2
Mörk og stoð Ynjur, Diljá Sif Björgvinsd. 1/1, Védís Áslaug Valdemarsd. 1/1, Sylvía Rán Björgvinsd. 1/0, Kristín Björg Jónsdóttir 1/0, Díana Mjöll Björgvinsd. 1/0, Katrín Hrund Ryan1/0
Refsimínútur, 0
Ynjur og Valkyrjur mætast í kvöld
12.10.2010
Í kvöld mætast heimaliðin Ynjur og Valkyrjur í Skautahöllinni kl. 19:30. Fyrir þá sem ekki vita þá eru Ynjur skipað yngri leikmönnum og SA og Valkyrjur eldri leikmönnum. Leikurinn verður væntanlega skemmtileg innanfélagsviðureign sem eykur leikreynslu og styrkir liðin í komandi átökum við sunnanliðin.
Úrslit helgarinnar
11.10.2010
Víkingar og Ynjur héldu til Egilshallar á laugardaginn og áttu þar misjöfnu gengi að fagna. Víkingar byrjuðu á að leggja Björninn með 5 mörkum gegn 3. Sá leikur var nokkuð skemmtilegur, jafn framan af og hraður þó ekki hafi hann verið mjög áferðar fallegur. Andrarnir Már og Freyr komu Víkingum fljótlega í 2 - 0 en Matthías Sigurðsson minkaði muninn fyrir lok lotunnar. Bjarnarmenn bættu svo við tveimur mörkum til viðbótar í 2. lotu og höfðu þar með breytt stöðu sinni frá því að vera tveimur mörkum undir yfir í eins marks forystu, 3 - 2.
Leikir helgarinnar
09.10.2010
Helgin verður fjörleg að vanda og mikið verður um að vera hjá leikmönnum Skautafélags Akureyrar. Á heimavígstöðvunum verður líflegt því fyrsta umferð Íslandsmóts 3.flokks verður á Akureyri. Helmingur meistaraflokkanna verður svo á faraldsfæti því Víkingar og Ynjur munu halda suður yfir heiðar og etja kappi við Bjarnarfólkið. Karlpeningurinn ríður á vaðið og hefst leikurinn kl. 16:30 og stelpurnar svo strax á eftir. Víkingar og Björninn mættust fyrir tveimur vikum og lauk með sigri okkar en þeir síðarnefndu hafa síðan unnið Jötna og tapað fyrir SR.
Ynjurnar eru að spila sinn fyrsta leik í vetur og það verður því forvitnlegt að fylgjast með þeim leik. Ynjurnar komu á óvart í fyrra og náðu að stela nokkrum stigum af hinum liðunum. Gera má ráð fyrir því að liðið hafi styrkst á milli ára, ungu stelpurnar eru nú reynslunni ríkar og árinu eldri.
Íslandsmótið í 3.fl. hefst hér í Skautahöllinni um helgina
08.10.2010
Laugardaginn 9. og sunnudaginn 10. okt. fer fram í Skautahöllinni hér á Akureyri fyrsti hluti af þremur í Íslandsmóti 3.flokks. Mótið hefst kl. 16,30 á laugardeginum. Þarna eru á ferðinni margir upprennandi og efnilegir íshokkímenn bæði í nútíð og framtíð og hvetjum við því alla vini, vandamenn og aðra aðdáendur hollra og skemmtilegra íþrótta til að mæta sér til skemmtunnar og hvetja sína menn. Dagskránna er hægt að skoða hér. ÁFRAM SA ............