Víkingar og Ynjur héldu til Egilshallar á laugardaginn og áttu þar misjöfnu gengi að fagna. Víkingar byrjuðu á að leggja Björninn með 5 mörkum gegn 3. Sá leikur var nokkuð skemmtilegur, jafn framan af og hraður þó ekki hafi hann verið mjög áferðar fallegur. Andrarnir Már og Freyr komu Víkingum fljótlega í 2 - 0 en Matthías Sigurðsson minkaði muninn fyrir lok lotunnar. Bjarnarmenn bættu svo við tveimur mörkum til viðbótar í 2. lotu og höfðu þar með breytt stöðu sinni frá því að vera tveimur mörkum undir yfir í eins marks forystu, 3 - 2.
Helgin verður fjörleg að vanda og mikið verður um að vera hjá leikmönnum Skautafélags Akureyrar. Á heimavígstöðvunum verður líflegt því fyrsta umferð Íslandsmóts 3.flokks verður á Akureyri. Helmingur meistaraflokkanna verður svo á faraldsfæti því Víkingar og Ynjur munu halda suður yfir heiðar og etja kappi við Bjarnarfólkið. Karlpeningurinn ríður á vaðið og hefst leikurinn kl. 16:30 og stelpurnar svo strax á eftir. Víkingar og Björninn mættust fyrir tveimur vikum og lauk með sigri okkar en þeir síðarnefndu hafa síðan unnið Jötna og tapað fyrir SR.
Ynjurnar eru að spila sinn fyrsta leik í vetur og það verður því forvitnlegt að fylgjast með þeim leik. Ynjurnar komu á óvart í fyrra og náðu að stela nokkrum stigum af hinum liðunum. Gera má ráð fyrir því að liðið hafi styrkst á milli ára, ungu stelpurnar eru nú reynslunni ríkar og árinu eldri.
Var að fá mjúkar skautahlífar sem gott er að hafa á skautunum í skautatöskunum. Var líka að fá svörtu flís skautabuxurnar sem koma niður fyrir skautann í stærðum 6-8, 8-10, 10-12 og 12-14. MINNI á skautatöskurnar sem eru með sér hólfi fyrir skautana.
Endilega hringið, sendið SMS eða mail og komið svo og skoðið - mátið.
Allý - 8955804 / allyha@simnet.is
Foreldrafundirnir LSA verða þrískiptir í ár. Foreldrafundur fyrir byrjendur, þar verður farið yfir grunnatriði hvað varðar iðkun listhlaups. Foreldrafundir lengra komna iðkenda verður tvískiptur, A og B hópa og svo C hópa. Mikilvægt er að foreldrar iðkenda listhlaupadeildar mæti því farið er yfir skautaveturinn sem framundan er, hvað verður að gerast í vetur, hvaða dagsetningar er mikilvægt að muna, verða grunnpróf í desember.
Foreldrafundur C-hópa verður mánudagskvöldið 11 október klukkan 20.00-21:00, fundarherbergi SA
Foreldrafundur byrjenda (D-hópa) verður miðvikudaginn 13 október klukkan 16:40-17:20, fundarherbergi SA
Foreldrafundir A og B hópa verður miðvikudagskvöldið 13 október klukkan 20.00-21:00, fundarherbergi SA
Í kvöld mættust Jötnarnir og Björninn hér í Skautahöllinni, en þetta var fyrsti heimaleikur Jötnanna. Leikurinn var jafn og spennandi frá upphafi til enda. Liðin skiptust á að skora og aldrei skyldi meira en eitt mark liðin að. Björninn bar þó sigur úr býtum, 6 – 5 í leik þar sem allt gat gerst.
Það var Josh Gribben sem opnaði markareikninginn með “wrap around-i” óstuddur. Trausti Bergmann jafnaði leikinn tveimur mínútum síðar og leikar stóðu jafnir 1 – 1 eftir fyrstu lotu. Það var svo brimbrettakappinn og bílabónarinn Úlfar Andrésson sem náði forystunni fyrir gestina í “power play” um miðbik 2. lotu en alls urðu mörkin 6 talsins í lotunni, þrjú hjá hvoru liði. Hinn ungi og efnilegi Sigurður Reynisson jafnaði leikinn skömmu síðar eftir frákast frá Jóni Gíslasyni, en þess má geta að Reynisson er í 3. flokki og aðeins 15 ára gamall. Hin mörk Jötnanna í lotunni skoruðu Jón Gíslason og Orri Blöndal. Mörk Bjarnarins skoruðu Brynjar Bergmann, litli bróðir Trausta, og svo kom Úlli með annað.