Evrópumótið í krullu: Góður árangur Íslendinga
01.10.2010
SA-menn stóðu sig vel í C-flokki Evrópumótsins í krullu sem fram fór í Skotlandi á dögunum en komust þó ekki upp í B-flokk.
Karfan er tóm.
Leikir helgarinnar
30.09.2010
Um helgina fer fram einn leikur í Íslandsmóti meistaraflokks karla þegar SA-Jötnarnir taka á móti Birninum í Skautahöllinni á Akureyri kl. 17:30. Jötnarnir komu á óvart í fyrsta leik mótsins með sigri á SR og það verður því forvitnilegt að fylgjast með þeim um helgina. Bjarnarmenn eru að koma norður aðra helgina í röð og ætla sér væntanlega að krækja í einhver stig að þessu sinni, en þeir riðu ekki feitum hesti frá viðureign síðustu helgar gegn Víkingunum.
Frostmót SA
28.09.2010
Skautahöllinni Akureyri, 30-31 Október. Fyrir A, B og C keppendur
Lokadagur Skráninga og greiðslu keppnisgjalda er 04.10.2010
Skrá skal keppendur í linknum hér til vinstri undir "skráning keppenda" og leggja inn á reikning 1145-26-3770, kt: 510200-3060. Mikilvægt að senda kvittun á didda@samvirkni.is til að staðfesta greiðslu. Keppnisgjald er 2000 kr. Ef ekki er búnið að skrá sig og borga keppnisgjaldið þegar skráningafrestur rennur út er litið svo á að viðkomandi skautari ætli ekki að taka þátt. Ekki verður hægt að skrá sig eftir að frestur rennur út.
Greiðsluáskorun vegna ÓGREIDDRA vor og sumaræfinga
28.09.2010
Þeir sem skulda æfingagjöld vegna vor og sumaræfinga og ístíma eru vinsamlegast beðnir að gera skil fyrir næstu mánaðarmót. Með rukkunar kveðju, Gjaldkeri Hokkídeildar.
Myndir frá leik helgarinnar
26.09.2010
Sigurgeir Haraldsson, annar tveggja hirðljósmyndara Skautafélagsins, mætti á leik Víkinganna og Bjarnarins á laugadagskvöldið og tók nokkrar skemmtilegar myndir og hefur bætt þeim við í myndasafnið hér á siðunni - myndirnar má einnig sjá hér.
Víkingasigur í fyrsta leik, 6 - 3.
25.09.2010
Í kvöld spiluðu Víkingar við Björninn í Skautahöllinni á Akureyri og er þetta fyrsta viðureign liðanna með fullskipuð lið síðan þau mættust í úrslitum síðasta vor. Heimamenn fóru vel af stað og stjórnuðu leiknum alla fyrstu lotuna en fyrsta mark leiksins leit dagsins ljós á 7.mínútu en þar var á ferðinni Andri Freyr Sverrisson sem skoraði á fjarstöng eftir góða sendingu frá Rúnar Frey Rúnarssyni. Tveimur mínútum síðar skoraði Andri annað mark úr frákasti eftir að nafni hans Mikaelsson skaut beint á markið úr uppkasti. Þriðja og síðasta mark lotunnar skoraði svo Andri Mikaelsson eftir sendingar frá Rúnari og Birni Jakobssyni þegar Víkingar voru einir fleiri eftir að fyrirliði Bjarnarins fékk tveir mínútur fyrir að “handfjatla” pökkinn fullmikið.
Arena dansverslun
25.09.2010
Gerður Ósk Hjaltadóttir hefur tekið við umboði fyrir Arena dansverslun hér á Akureyri. Hún hefur aðsetur að Furuvöllum 13, þar sem hún hefur fjölbreytt vöruúrval frá Arena fyrir skautara o.fl. Síminn hjá Gerði er 8491854 og netfangið er gerdur@hjalli.is.
Bestu kveðjur og takk fyrir mig
Rakel Bragadóttir.
LÆKKUN Á SKAUTABUXUM
24.09.2010
Ný sending af skautabuxum eru komnar til landsins og hafa lækkað í verði.
KV Allý / allyha@simnet.is
Dómaranámskeið
22.09.2010
Dómaranámskeiðið er fyrir alla sem fæddir eru 1995 eða eldri. Allir gjaldgengir eru því hvatir til þess að mæta sérstaklega ef þig langar í smá aur í vetur fyrir að standa á svellinu.
Svona lýtur dagskráin út fyrir helgina:
Föstudagur 24. september
Námskeið í kennslustofu 19.00 – 22.00
Laugardagur 25. September
Námskeið og próf á ís 08.00 – 9.45
Námskeið í kennslutofu 10.20 – 12.20
Námskeið fyrir box-fólk 13.30 – 15.30
Trim fundur með starfandi dómurum á Akureyri 15.00 – 16.00
Sunnudagur 26. September.
Námskeið í kennslustofu og próf 9.30. – 12.30