Afís próf hjá Söruh
22.09.2010
Þær sem eiga eftir að taka afís prófið hjá Söruh eiga að gera það á föstudaginn 24 september. Nöfn og tímasetning
Karfan er tóm.
Titilvörnin hefst um helgina
22.09.2010
Um helga munu Bjarnarmenn koma í heimsókn og spila gegn Víkingunum hér í Skautahöllinni á laugardaginn kl. 17:30. Þessi lið mættust í æsispennandi úrslitakeppni síðasta vor þar sem við bárum sigur úr býtum í 5. leik úrslitanna. Liðin mættust svo aftur í Asetamótinu fyrr þessum mánuði og þar urðum við að láta í minni pokann gegn þeim í tveimur viðureignum.
Það er hins vegar ekki hægt að ganga út frá einhverju vísu í þessu því liðin öll virðast jöfn a.m.k. ef reynt er að lesa eitthvað úr þessum fyrstu leikjum tímabilsins. SR lagði Björninn nokkuð auðveldlega í æfingaleik á dögunum og svo lögðu Jötnarnir SR-inga um síðustu helgi.
SKAUTATÖSKUR - SKAUTABUXUR
22.09.2010
Skautatöskur og skautabuxur er hægt að skoða og kaupa / panta hjá mér.
Allý / allyha@simnet.is - 8955804 ,,,, PS er ekki við síma milli kl. 13 - 16:30
Nú er rétta tækifærið til að fá frítt inn á leiki í vetur!
22.09.2010
Hokkídeildin leitar eftir sjálfboðaliðum í vinnu á leikjum í vetur, störf sem eru í boði eru ritari, klukka, boxið, markadómari ofl. Frábær þjálfun fyrir barnamótin sem verða í vetur.
Dómaranámskeið
21.09.2010
Um helgina verður haldið dómaranámskeið á Akureyri þar sem farið verður yfir helstu reglur og breytingar í ár. Tími og staðsetning verður auglýst hér á síðunni seinna í þessari viku.
Rétt er að minna á að þáttakendur ættu að lesa OPM og fara yfir reglubókina og case book fyrir námskeiðið, hægt er að sækja það á vef IIHF:
Reglubók: http://www.iihf.com/iihf-home/sport/iihf-rule-book.html
Case Book: http://www.iihf.com/fileadmin/user_upload/PDF/Sport/Officiating_Manual/Case_Book_-_2010_-_11b.pdf
Með áherslu á kafla 4-7 í OPM!
Tveir sigrar í gær
19.09.2010
Í gærkvöldi spiluðu Jötnar og Valkyrjur við Skautafélag Reykjavíkur. Þetta var um margt mjög merkilegt kvöld því þarna voru tvö ný lið kynnt til sögunnar. Skautafélag Reykjavíkur teflir fram kvennaliði að nýju eftir langt hlé og er það sérstak ánægjuefni fyrir íslenskt kvennahokkí og nú eru liðin orðin fjögur með Ynjunum.
Hitt nýja liðið, Jötnarnir frá Akureyri, var jafnframt að spila sinn fyrsta leik og í því liði voru nokkrir leikmenn að spila sinn fyrsta leik í meistaraflokki. Af yngri leikmönnum voru Sigurður Reynisson og Ingþór Árnason að spila sinn fyrsta meistaraflokkleik, en þeir spila báðir í 3.flokki. Einar Eyland fékk eldskírn sína í markinu en hann hefur áður verið á bekknum en ekki tekið heilan leik. Af eldri leikmönnum voru tveir Old-boys leikmenn að spila sína fyrstu leiki, þeir Gunnar Jónsson fæddur 1985 og Bergur Jónsson fæddur 1971, en báðir þessir leikmenn æfðu þó hér á árum áður. Geir Borgar Geirsson reimaði á sig skautana að nýju og spilaði með en Geiri er þar með orðinn elsti leikmaður deildarinnar, fæddur 1966. Hann spilaði síðast með Narfa frá Hrísey.
Fjölgun liða í meistaraflokkum SA
18.09.2010
Íslandsmótið hefst um helgina með tveimur leikjum, öðrum í kvenna og hinum í karlaflokki. Skautafélag Akureyrar teflir að þessu sinni fram tveimur liðum í báðum meistaraflokkunum en það voru stelpurnar sem riðu á vaðið strax í fyrra. Þar sem ruglings var farið að gæta með nöfnin og hvaða lið væri hvað, en þau voru ýmist kölluð eldri og yngri, a og b eða SA1 og SA2, var ákveðið að skíra í raun liðin upp á nýtt.
CD-diskar fyrir tónlist prógramma
15.09.2010
Allir iðkendur verða að koma með 2 CD-diska fyrir tónlistina við prómgramið sitt. Gott er að allir eigi síðan afrit af sínu lagi í tölvunni heima því ef eitthvað kemur fyrir diskana að þá er bara hægt að gera nýja. Diskarnir eiga síðan alltaf að vera niðrí höll í geisladiska möppunni til að nota þegar prógrammarennsli er.
Aseta-mót um helgina hjá meistaraflokki karla
10.09.2010
Í kvöld hefst í Reykjavík Asetamótið fyrir meistaraflokk karla. Þetta mót hefur verið haldið áður og þar hafa öll félögin tekið þátt og hefur þetta þótt ánægjuleg byrjun á tímabili fyrir leikmenn og upplögð leið til að ná úr sér sumar ryðinu. Mótið verður þó ekki eins og til stóð þar sem Skautafélag Reykjavíkur ákvað að taka ekki þátt í mótinu af einhverjum óþekktum ástæðum. Ákveðið var að láta ekki fjarveru þeirra hafa áhrif á mótið þar sem þegar var búið að skipuleggja það, kaupa verðlaunagripi og ráða dómara, heldur skella sér suður og spila tvo eða þrjá leiki við Björninn.
Starfið hafið af miklum krafti
09.09.2010
Nú í haustbyrjun er starfið í Skautahöllinni komið í eðlegar skorður og starfsemnin komin á fullt jafnt hjá deildum félagsins sem og Skautahöllinni. Æfingar félagsins hófust um mánaðamótin sem og almenningstímar. Deildirnar hafa verið að kynna sitt starf, gengið hefur verið í skóla og bæklingum dreift. Nýskráningar ganga vel og blikur eru á lofti um blómlegan vetur. Mótin fara senn að hefjast hjá deildum en nú um helgina verður Asetamót hjá mfl karla í íshokkí í Reykjavík sem er helgarmót ætlað til að koma mönnum í gang fyrir veturinn. Um aðra helgi verður innanfélagsmót fyrir A og B keppendur hér í Skautahöllinni og svo í lok mánaðarins eða 27. september hefst Akureyrarmót hjá krulludeild.