Um næstu helgi fáum við í heimsókn Björninn og SRinga og verður haldið hér á Akureyri 4. og 5. flokks mót í boði BAUTANS sem hefur stutt dyggilega við skautastarfið hjá okkur í SA, og kunnum við þeim bestu þakkir fyrir. Dagskrá mótsins má nálgast hér efst í valmyndinni til vinstri og er hún birt með fyrirvara um villur og mögulegar breitingar ef eitthvað óvænt kemur uppá.    4. flokks hluti mótsins er 3. og síðasti hluti Íslandsmóts þess flokks og ræðst þar hverjir verða meistarar þetta tímabilið. Þetta er býsna þétt dagskrá allann laugardaginn og til kl.16,00 á sunnudag. Þátttakendafjöldi mun vera um 130 svo þarna verður mikið fjör.   Klukkan 17,00 á sunnudaginn hefst svo 1. leikur í Úrslitum hjá meistaraflokki karla. Þar má bóka hörkuskemmtun þar sem SA og SR mætast.

Hér má finna upplýsingar varðandi undirbúning vegna æfingabúðanna á Akureyri í sumar, sem ætlaðar eru öllum áhugasömum iðkendum í 3.4.5.6. og 7. hóp. Stefnt er að því að búðirnar standi frá þriðjudeginum 4. ágúst (eftir versló) og þar til skólinn hefst! Iveta mun þjálfa frá 10-28. ágúst og Audrey mun sjá um afís. Helga verður í æfingabúðunum, sem fyrr, aðal- og yfirþjálfar deildarinnar. STEFNT ER AÐ ÞVÍ AÐ BÚÐIRNAR VERÐI Á SAMA VERÐI - EN HELST ÓDÝRARI EN Í FYRRA! En þá var heildarverðið á vikunum þremur 45. þúsund krónur! Því fleiri sem taka þátt, því ódýrari verða búðirnar!  Þá er einnig stefnt að því að hafa skautanámskeið fyrir iðkendur í 1. og 2. hóp á tímabilinu, auk byrjendanámskeiðs. En hér má sjá nánar um tilhögunina, en auðvitað birt með FYRIRVARA um breytingar!!