Því miður var það þannig að okkar menn áttu ekkert svar við sterku liði Mexíkó. Leikurinn fór vel á stað hjá okkur og eftir innan við mínútu vorum við búnir að ná forskoti 1-0 með glæsilegu marki Gunnars Guðmundssonar sem var að skora sitt fyrsta mark í alþjóðlegri keppni, en Adam var ekki lengi í paradís því að áður en fyrsti leikhluti var úti var staðan orðin 1-5 fyrir Mexíkó.

Drengirnir okkar voru nú ekki að spila sinn besta leik og var þeim refsað grimmilega fyrir þau mistök sem að þeir gerðu. Skautahöllin hér í Mexíkó borg var smekk full 4500 manns sem að hvöttu heimamenn óspart og létu vel í sér heyra. Annar leikhluti fór 2-3 fyrir Mexíkó og sá þriðji 2-1 þannig að úrslit leiksins voru 4-10 Mexíkó í vil. Þrátt fyrir að okkar drengir hefðu ekki verið að spila sinn besta leik var fljótt ljóst að við ofurefli var að etja Mexíkanska liðið var einfaldlega bara betra í dag, allir leikmenn hefðu þurft að eiga topp leik ef að við hefðum átt að eiga séns.

Mörk Íslands skoruðu þeir Gunnar Guðmundsson, Gauti Þormóðsson, Daníel Eriksson og Sindri Már Björnsson. Steinar Páll Veigarsson var kjörinn besti maður íslenska liðsins í leikslok og fékk að launum fallegan platta frá Mexíkanska íshokkísambandinu.

Landsliðið okkar átti frídag í dag og var farið að skoða forna menningu Asteka. Farið var svona 50 kílómetra út fyrir Mexíkó borg. Þetta var rosalega skemmtileg ferð sem að allir höfðu sérstaklega gaman af. Það að skoða þessa fornu menningu og upplifa hana var ótrúlegt. Það að standa efst á sólar-pírmamýdanum þar sem að mannfórnir voru til forna verður þessum drengjum ógleymanleg reynsla. Allir höfðu sérlega gaman af þessu og það að standa þarna og spá í þessa frábæru menningu sem þarna var alsráðandi á þeim tíma þegar að við vorum í torfkofum með moldargólfi í kulda og vosbúð, það var umhugsunarvert og í raun ótrúlegt til þess að hugsa að menningin þeirra var upprunnin frá því 200 fyrir krist (hvar vorum við þá?). Á myndinni er Sigurjón tækjastjóri að virða fyrir sér útsýnið. Þegar þetta er skrifað um klukkan 10 um kvöld eru allir komnir með höfuð á kodda til að safna kröftum fyrir átökin annað kvöld en þá mætum við Mexíkó heimamönnum klukkan 20:30 að staðartíma eða klukkan hálf fjögur aðra nótt að íslenskum tíma. ÁFRAM ÍSLAND

Búlgarar sáu ekki til sólar í leik sínum á móti Víkinga-landsliði Íslands.
Leikurinn fór 8 - 1 fyrir okkar mönnum sem léku einsog hershöfðingjar allan leikinn.
Nokkrir af okkar yngri leikmönnum létu finna verulega fyrir sér og skoruðu þeir Sindri Már, Steinar Páll og Guðmundur Guðmundsson sín fyrstu landsliðsmörk. Ekki má gleyma frumraun Arons Leví Stefánssonar sem landsliðsmarkmaður og stóð hann sig sérstaklega vel og varði, á stundum, hreint ótrúlega með sínum sérstaka stíl og hélt liðinu inni í leiknum þegar við vorum að spila manni, og stundum tveimur ,manni undir.

Næstu leikir verða nokkuð erfiðir þar sem S-Afríka, Nýja Sjáland og Mexíkó er með gríðarlega sterk lið og verður það nokkur átök að spila við þau. Andinn í liðinu er sérstaklega góður og hefur liðsheild og samvinna verið einkenni liðsins. Á morgun er áætlað að fara í skoðunarferð um nágreni Mexíkó þar sem skoðaðir verða nokkrir pýramídar í grend við borgina.

Einsog áður .... fyrir þá sem vilja hafa samband við strákana þá er hægt að senda tölvupóst á helgi@linuskautar.is og þeim verður komið til skila.

Jæja gott fólk túrinn byrjar vel okkar drengir spiluðu eins og englar og hefndu fyrir Tyrkjaránið forðum daga með stæl. Nokkuð stress var í fyrsta leikhluta og það tók okkar menn nokkurn tíma að komast á sitt skrið. Það var frábært að horfa á liðið í kvöld hjá þeim var leikgleðin og liðsheildin í fyrirrúmi. Fyrsti leikhluti fór 1-0 fyrir okkur og kom markið aðeins nokkrum sekúndum áður en leikhlutinn var búinn. Í öðrum hluta tókum við Tyrkina með trompi og skorðuðum 4 mörk gegn einu, þriðja hluta tókum við síðan 2-1 og unnum sannfærandi sigur 7-2. Gauti Þormóðsson var valin besti maður Íslands eftir leikinn og skoraði hann 3 af 7 mörum liðsins, hin mörkin skoruðu Patrik Eriksson 2 Daníel Eriksson 1 og Þorsteinn Björnsson 1. Allir liðsmenn stóðu sig vel og sérstaklega varnarmennirnir sem að söltuðu Tyrkina og sáu þeir ekki til sólar og fundu enga leið í gegnum þétta vörn okkar. Á morgun eigum við Búlgara og ef að við spilum eins vel og í dag ættu þeir að liggja líka. Það voru nokkrir af ungu leikmönnunum sem að voru að spila sérlega vel í dag, þeir Magnús Felix, Gunnar Guðmundsson og Þorsteinn Björnsson þó að þeir séu hér nefndir sérstaklega voru heilt yfir allir leikmenn liðsins að spila mjög vel.
Aðstæður hér í Mexíkó eru ekki góðar svellið er hörmung og er það mál manna að Tjörninn á sumardegi sé betri, en meira um það síðar. Continental airways voru okkur erfiðir því að 11 töskur urðu eftir í Houston og í dag 2 dögum síðar eru bara 3 af þeim búnar að skila sér. En við Víkingarnir erum ekki á þeim buxunum að gefast upp, við fengum lánaðan útbúnað frá Mexíköniunum og það sem upp á vantaði var bara keypt. Góðar baráttukveðjur til allra heima, Áfram Ísland.......