Síðastliðin sunnudag var haldin mikil veisla í boði Samherja í húsnæði Útgerðarfélags Akureyrar þar sem annarsvegar var kynnt til sögunnar glæsileg nýbygging félagins og hinsvegar veitir styrkir úr Samherjasjóði. Skautafélag Akureyrar fékk rausnarlegan styrk og vill félagið koma fram bestu þökkum til forsvarsmanna Samherja og Samherjasjóðsins fyrir þessa rausnarlegu gjöf.

Ásynjur mæta Ynjum annað kvöld, þriðjudaginn 22. desember kl 19.30 í Skautahöllinni á Akureyri. Liðin hafa mæst tvisvar áður í vetur og unnið sitthvorn leikinn en báðir enduðu þeir með sömu markatölu, 3-2. Ásynjur leiða deildina með 21 stig eftir 8 leiki spilaða en Ynjur fylgja fast á hæla þeirra með 17 stig og 7 leiki spilaða. Það er skyldumæting í höllina annað kvöld enda bókuð skemmtun þar sem dramatíkin ræður ríkjum og ekki ósennilegt að úrslitin ráðist ekki fyrr en í blálokin.

SA Víkingar og 3. Flokkur gerðu góða ferð í Laugardalinn um helgina þar sem bæði lið sigruðu í sínum leikjum með heildarmarkatölunni 10-0. SA Víkingar styrktu stöðu sína á toppi Hertz deildarinnar með 2-0 sigri á Esju en 3. flokkurinn vann SR 8-0 þar sem Gunnar Aðalgeir og Axel Snær skoruðu þrjú mörk hvor.

Jólin eru skemmtilegasti tími ársins hjá Skautafélaginu þar sem margt verður um manninn og mikið um að vera alla daga. Komandi helgi verður heldur betur viðburðarík en á sunnudag verður haldið Jólaball frá kl 13-16 og kl 17 hefst svo jólasýning meistaranna í boði Listhlaupadeildar.

Emilía Rós Ómarsdóttir hefur verið valin Skautakona ársins 2015 af Skautasambandi Íslands

Jólin eru handan við hornið og þá verða breytingar á almenningstímum og æfingartímum deildanna svo við bendum iðkenndum á að skoða jólatímatöflurnar hér vinstra megin í valmyndinni. Almenningstímum fjölgar og þá eru einnig margir skemmtilegir viburðir á vegum Skautahallarinnar og deildanna sem vert er að hafa í huga svo engum ætti að leiðast yfir jólin.

SA Víkingar unnu þægilegan en ekki auðveldan 5-1 sigur á SR í gærkvöld í síðasta heimaleik liðsins fyrir jól. Esja vann Björninn á sama tíma syðra og lengdist þá enn bilið á toppi deildarinnar í liðin í þriðja og fjórða sæti. SA Víkingar eiga þá aðeins eftir einn útileik fyrir jól gegn Esju um næstu helgi en SA eiga 4 stig á Esju fyrir leikinn og SA fara því sannarlega inn í jólafríið á toppnum í deildinni hvernig sem sá leikur fer.

Nú á ég til nokkrar af þessu fínu flís skautabuxum

SA Víkingar taka á móti SR í Skautahöllinni á Akureyri annað kvöld, þriðjudaginn 15. desember kl 19.30. Þetta er síðasti heimaleikur Víkinga fyrir jól en liðið situr nú í efsta sæti Hertz deildarinnar með 28 stig, 10 stigum meira en SR sem er í þriðja sæti deildarinnar.

Þau Elise Marie Väljaots og Björn Már Jakobsson hafa verið útnefnd íshokkífólk ársins 2015 hjá SA. Þau voru heiðruð á svellinu fyrir leikinn gegn SR í gærkvöld. Skautafélag Akureyrar óskar þeim til hamingju með nafnbótina.