Skautafjöri aflýst
06.03.2010
Af óviðráðanlegum orsökum fellur skautafjörið niður sem átti að vera í kvöld.
Karfan er tóm.
3. leikur á morgun í Egilshöllinni
06.03.2010
Á morgun kl. 14:00 mætast SA og Björninn í þriðju viðureign liðanna um Íslandsmeistaratitilinn 2010. Leikurinn fer fram í Egilhöllinni í Grafarvogi og aldrei þessu vant þá verður leikurinn sýndur beint á RÚV. Það verður án efa mikil stemning í höllinni því gera má ráð fyrir því að stuðningsmenn Bjarnarins reyni að fylla húsið enda glórulaust að gera eitthvað annað á sunnudegi kl. 14:00 en að mæta á hokkíleik.
Jöfn úrslitakeppni eftir fyrstu tvo leikina
06.03.2010
Nú er tveimur leikjum lokið í úrslitakeppni karla í íshokkí og er staðan í viðureignum 1 - 1. Fyrsti leikurinn fór fram á fimmtudaginn og lauk honum með sigri Bjarnarins 4 - 1. Björninn fór betur af stað í upphafi leiks og hélt undirtökunum til leiksloka. Við áttum þungar sóknir, nokkur stangarskot og oft munaði mjög litlu að pökkurinn færi inn en heppnin var ekki með okkur að þessu sinni. Eina mark okkar skoraði Jón Gíslason eftir skot frá bláu frá Josh Gribben.
Myndir úr öðrum leik í úrslitum SA - Björninn
05.03.2010
Þá eru nokkrar myndir klárar úr leiknum. Þær má skoða hér
Krulla - OPIÐ HÚS, ALLIR GETA PRÓFAÐ
04.03.2010
Krullufólk verður með opið hús í Skautahöllinni á Akureyri laugardaginn 6. mars kl. 17.30-19.30. Krullufólk sem les þessa frétt er hvatt til að koma þessum upplýsingum áfram til vina og kunningja. Meðal annars er hægt að nota Facebook til þess því þar hefur verið stofnaður viðburður sem hægt er að bjóða fólki á - sjá hér.
Skautafjör á laugardagskvöldið
03.03.2010
Á laugardagskvöldið verður smá skautafjör
kl:20:00-21:00 A2, B2 og C1 Mega bjóða vinum/ættingjum á svellið, diskóljós og danstónlist
kl:21:00-22:00 A1 og B1 Mega bjóða vinum/ættingjum á svellið, diskóljós og danstónlist
Fullorðinsnámskeið
02.03.2010
LSA ætlar að bjóða upp á fullorðinsnámskeið á skautum, sjá með því að smella á auglýsinguna hér við hliðina á.
Stóra stundin að renna upp ! ÚRSLITAKEPPNIN HEFST NÚNA Á FIMMTUDAGINN 4. mars
02.03.2010
Á fimmtudaginn 4. mars kl. 19,00 hefst hér í Skautahöllinni á Akureyri Úrslitakeppni til Íslandsmeistaratitils í Meistaraflokki karla í Íshokki. Til úrslita spila Skautafélag Akureyrar sem eru sigurvegarar Deildarinnar og Skautafélagið Björninn sem eftir ótrúlegan endasprett í Deildinni tryggðu sér réttinn til að spila við SA um Íslandsmeistaratitilinn. Annar leikur keppninnar fer svo fram hér í Skautahöllinni á föstudaginn 5. mars kl. 17,00. Þriðji leikurinn er svo í Egilshöllinni heimavelli Bjarnarins á sunnudag kl. 14,00 og verður sýndur beint á RUV. Úrslitakeppnin er allt að 5 leikir og vinnur það lið sem fyrr sigrar í þremur. Fjórði leikur er svo áætlaður í Egilshöll á mánudag og sá fimmti í Skautahöllinni á Akureyri á miðvikudaginn þar á eftir. Deildarkeppnin þetta tímabil var ótrúlaga jöfn og það réðst ekki fyrr en í síðustu leikjunum hverjir kæmust í Úrslitin, svo það er hægt að lofa gríðarlegri stemmingu og baráttu í þessum leikjum og NÚ SKORUM VIÐ Á YKKUR NORÐLENSKA HOKKÍUNNENDUR AÐ MÆTA OG HVETJA YKKAR MENN. ÁFRAM SA ..........